ކ. މާލެ
|
24 އޯގަސްޓް 2022 | ބުދަ 15:00
އިންގްލެންޑުގެ މިޑްފީލްޑަރު ޖިލް ސްކޮޓް
އިންގްލެންޑުގެ މިޑްފީލްޑަރު ޖިލް ސްކޮޓް
ބީބީސީ
އިނގިރޭސި ފުޓްބޯޅަ
އިންގްލެންޑުގެ ޖިލް ސްކޮޓް ފުޓްބޯޅަ ކުޅުން ހުއްޓާލައިފި
 
ޖިލް ވަނީ އިންގްލެންޑްގެ ޤައުމީ ޓީމަށް 161 މެޗު ކުޅެދީފައި
 
ޖިލް ވަނީ އިންގްލެންޑުގެ ޤައުމީ ޓީމާއެކު ބޮޑު 10 މުބާރާތް ކާމިޔާބުކޮށްފައި

އިންގްލެންޑުގެ ޤައުމީ އަންހެން ފުޓްބޯޅަ ޓީމަށް ދެވަނައަށް އެންމެ ގިނަ މެޗު ކުޅެދިން ޖިލް ސްކޮޓް ފުޓްބޯޅަ ކުޅުން ހުއްޓާލައިފިއެވެ.

އުމުރުން 35 އަހަރުގެ ޖިލް ވަނީ އިންގްލެންޑްގެ ޤައުމީ ޓީމަށް 161 މެޗު ކުޅެދީފައެވެ. އެންމެ ގިނަ މެޗު ކުޅެދީފައިވަނީ ފަރާ ވިލިއަމްސްއެވެ. ފަރާ ވަނީ 172 މެޗު އިންގްލެންޑުގެ ޤައުމީ އަންހެން ފުޓްބޯޅަ ޓީމަށް ކުޅެދީފައެވެ.

އިނގިރޭސިވިލާތުގެ ޤައުމީ ޓީމަށް ޖިލް އެންމެ ފުރަތަމަ ކުޅުނީ 2006 ވަނަ އަހަރުއެވެ. އެންމެ ފުރަތަމަ ޖިލް ކުޅުނީ އިނގިރޭސިވިލާތުގެ ކްލަބް ސަންޑަލެންޑަށެވެ. އޭގެ ފަހުން އެވަޓަންއަށް ކުޅުމަށްފަހު ޖިލްގެ ކެރިއަރު ނިންމާލީ މެންޗެސްޓަރ ސިޓީގައެވެ. ސިޓީއާއި ޖިލް ގުޅުނީ 2013 ވަނަ އަހަރުއެވެ.

ޖިލްގެ އިތުރުން އިންގްލެންޑުގެ ޤައުމީ ޓީމަށް ކުޅެމުންއައި އެލެން ވައިޓްވެސް ވަނީ ފުޓްބޯޅަ ކުޅުން ހުއްޓާލާފައެވެ. އެލެންއަކީ އިންގްލެންޑު ޓީމަށް އެންމެ ގިނަ ލަނޑު ޖަހައިދިން ކުޅުންތެރިޔާއެވެ. އެލެން ރިޓަޔަރ ކުރީ 33 އަހަރުގައެވެ.

މި ދެކުޅުންތެރިން ފުޓްބޯޅަ ކުޅުން ހުއްޓާލީ މިދިޔަ މަހުގެ ތެރޭގައި ޔޫރަޕިއަން ޗެމްޕިއަންޝިޕް ކާމިޔާބު ކުރުމަށްފަހުއެވެ. ޖިލް ވަނީ އިންގްލެންޑުގެ ޤައުމީ ޓީމާއެކު ބޮޑު 10 މުބާރާތް ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް