ކޮވިޑް-19އާ ގުޅިގެން ގެނައި ލޮކްޑައުންއަށްފަހު ފިލިޕީންސްގައި ހޯމަ ދުވަހު ފުރަތަމަ ފަހަރަށް ސްކޫލްތައް ހުޅުވައިފިއެވެ. ޕިލިޕީންސް ހިމެނިފައިވަނީ އެންމެ ގިނަ ދުވަހު ސްކޫލްތައް ބަންދުކޮށްފައި ބެހެއްޓި އެއް ގައުމަށެވެ. މިގޮތުން ދެ އަހަރަށްވުރެ ގިނަ ދުވަހު ސްކޫލްތައް ބަންދުކޮށް، ޑިސްޓަންސް ލަރނިންގ އަދި އޮންލައިންކޮށް ކިޔަވައިދިނުމަށްފަހު ހޯމަ ދުވަހު ވަނީ އެގައުމުގެ 24 ހާސް ޕަބްލިކް ސްކޫލް ހުޅުވާފައެވެ. އެއީވެސް އަދި އެގައުމުގެ ސްކޫލް ތަކުގެ 43 އިންސައްތައެވެ. މިއަދު ހުޅުވި ސްކޫލްތަކުގެ ކިޔެވުން ހަފުތާއަކު ފަސް ދުވަހު ކުރިޔަށް ގެންދާނެއެވެ. މިއަދު ނުހުޅުވާ ސްކޫލްތަކުން ކިޔެވުން ކުރިޔަށްގެންދަން ހަމަޖައްސާފައިވަނީ އެއްބައި އޮންލައިންކޮށް އަދި ބައެއް ދުވަސް ދުވަހު ކުދިން ސްކޫލަށް ދާގޮތަށެވެ. އޮންލައިންކޮށް ކިޔެވުން ކުރިޔަށްނުގެންދެވޭ ތަންތަނުގައި ފިލާވަޅުތައް ޗާޕްކޮށް ބަހައިގެންނާއި ޓީވީއާއި ސޯޝަލް މީޑިޔާ މެދުވެރިކޮށްވެސް ކިޔަވައިދިނުން ކުރިއަށްގެންދާނެއެވެ.
ފިލިޕީންސްގައި ހުރިހާ ސްކޫލެއް އެއްކޮށް ހުޅުވަން ނިންމާފައިވަނީ އަންނަ ނޮވެމްބަރު މަހުއެވެ. އެގައުމުގައި 27 މިލިއަން ކިޔަވާ ކުދިން ރަޖިސްޓްރީކޮށްފައިވެއެވެ.
