ސާރާ ޕޭލިން އަނެއްކާވެސް ސިޔާސީ މަސައްކަތަށް
ސާރާ ޕޭލިން ވަނީ 2006ން 2009ށް އެލަސްކާގެ ގަވަރުނަރުކަންވެސް ކުރައްވާފައި
ސާރާ ޕޭލިންއާއި ޑޮނަލްޑް ޓްރަމްޕް
2008 ވަނަ އަހަރު އެމެރިކާގައި އޮތް ރިޔާސީ އިންތިޚާބުގައި ރިޕަބްލިކަންޕާޓީން ވާދަކުރެއްވި ޖޯންމެކޭންގެ ރަނިންގމޭޓްގެ ހައިސިއްޔަތުން ވާދަ ކުރެއްވި ސާރާ ޕޭލިން އަނެއްކާވެސް ސިޔާސީ މަސައްކަތަށް ނުކުމެވަޑައިގެންފިއެވެ. ސާރާ މިފަހަރު ކުރިމަތިލައްވާފައިވަނީ ހައުސް އޮފް ރެޕްރެޒެންޓަޓިވްސްގެ އެލަސްކާ ގޮޑިއަށެވެ. އަންނަ ނޮވެމްބަރު މަހު އޮންނަ އިންތިޚާބަށް ސާރާ ޕޭލިން މިހާރު ކެމްޕެއިން ފައްޓަވާފައިވާއިރު، އޭނާގެ މަސައްކަތަށް ކުރީގެ ރައީސް ޑޮނަލްޑް ޓްރަމްޕްގެ އެހީތެރިކަން ލިބިވަޑައިގަންނަވާކަމަށް ވެއެވެ. ޓްރަމްޕް ވަނީ މިދިޔަ މަހު އެލަސްކާއަށް ދަތުރުފުޅެއް ކުރައްވައި ޕޭލިންގެ އަރިހުގައި އެތައް ބައްދަލުވުމަކުންފެނިފައެވެ.
އުމުރުފުޅުން 58 އަހަރުގެ ސާރާ ޕޭލިން ވަނީ 2016 ވަނަ އަހަރު ޓްރަމްޕް ރައީސްކަމާ ހަވާލުވެވަޑައިގަތްފަހުން ސިޔާސީ މަސްރަހުންގެއްލިފައެވެ. އޭރު އޭނާގެ ބޮހަކަށް ހުންނެވި ޖޯން މެކޭން ފަހުން ވަނީ ރައީސް ޓްރަމްޕްއަށް ވަރަށް ބޮޑަށް ފާޑުވިދާޅުވާ ބޭފުޅަކަށް ވެފައެވެ.
އެމެރިކާގެ އެންމެ ބޮޑު ސްޓޭޓް އެލަސްކާ ގަވަރުނަރުކަންވެސް 2006ން 2009ށް ސާރާ ޕޭލިން ކުރައްވާފައި ވެއެވެ.
