ޔުކްރެއިންގެ ރައީސް ވުލޮޑޮމިއަރ ޒެލެންސްކީ، މި ހަފުތާގެ ތެރޭގައި އެމެރިކާ އަށް ވަޑައިގެން އެ ޤައުމުގެ ރައީސް ޑޮނަލްޑް ޓްރަމްޕްއާ ބައްދަލު ކުރައްވާ ގޮތަށް ހަމަޖެހިފައިވާ ކަމަށް ހާމަ ކޮށްފި އެވެ.

އެކަން ހާމަ ކުރައްވާފައި ވަނީ ޔުކްރެއިންގެ ޤައުމީ ސަލާމަތާ ބެހޭ ވަޒީރު ރުސްޓެމް އުމެރޮވް އެވެ. ފޭސްބުކުގައި ކުރެއްވި ޕޯސްޓެއްގައި އޭނާ ވިދާޅުވެފައި ވަނީ، މި ހިނގާ ނޮވެމްބަރު މަހުގެ ތެރޭގައި އެންމެ އަވަހަށް ފުރުސަތު ލިބޭ ދުވަހެއްގައި އެމެރިކާ އަށް ދަތުރެއް ކުރެއްވުމަށް ޒެލެންސްކީ އެދިވަޑައިގަންނަވާ ކަމަށެވެ.

އިތުރު ތަފްސީލު ތަކެއް ހާމަ ނުކުރެއްވި ނަަމަވެސް، އެ ދަތުރުފުޅުގެ މައިގަނޑު މަޤުސަދަކީ ސުލްޙައިގެ އެއްބަސްވުމާ ގުޅޭ ގޮތުން އެމެރިކާގެ ރައީސް ޓްރަމްޕްއާ އެކު އެންމެ ފަހުގެ ނިންމުންތައް ނިންމުން ކަމަށް ހާމަ ކުރައްވާފައިވެ އެވެ. އަދި ވީ އެންމެ އަވަހަށް އެއްބަސްވުމުގައި ސޮއި ކުރުމަށް މަގު ފަހި ކުރުން ކަމަށް ވެސް ހާމަ ކުރައްވާފައިވެ އެވެ.

އެ ވާހަކަތައް ދެކެވިފައި ވަނިކޮށް އަންގާރަ ދުވަހު ޓްރަމްޕް ވިދާޅުވެފައި ވަނީ، އޭނާ ހުންނެވީ ރަޝިޔާގެ ރައީސް ވުލަޑިމިއަރ ޕުޓިން އަދި ޔުކްރެއިންގެ ރައީސް ޒެލެންސްކީއާ ވެސް ބައްދަލު ކުރައްވަން ތައްޔާރަށް ކަމަށެވެ. އެހެން ނަމަވެސް، އެއީ ހަނގުރާމަ ހުއްޓާލުމުގެ ފައިނަލް މަރުޙަލާ އަށް ދެވުމުން ނުވަތަ، ހަނގުރާމަ ހުއްޓާލުމަށް އެއްބަސްވުމެއް ޤާއިމު ކުރެވޭނެ ކަމުގެ ޔަޤީންކަން ލިބުމުން ކަމަށް ވެސް ޓްރަމްޕް ވިދާޅުވެފައިވެ އެވެ.

ދެ އަހަރު ދުވަހަށް ވުރެ ދިގު މުއްދަތަކަަށް ދެމިގެންދާ މި ހަނގުރާމަ ނިމުމަކަށް ގެނައުމަކީ އެމެރިކާގެ ރައީސް ޓްރަމްޕް ވަރަށް ބޮޑަށް މަސައްކަތް ކުރައްވަމުން އަންނަ ކަމެކެވެ. ރިޔާސީ އިންތިޚާބުގެ ތެރޭގައި، އަދި ވެރިކަމަށް ވަޑައިގެންނެވި ފަހުން ވެސް، ހަނގުރާމަ ނިންމުމަށް އެމެރިކާ އަށް ވަރަށް ބޮޑަށް މަސައްކަތް ކުރައްވާނެ ކަމުގައި ޓްރަމްޕް ވިދާޅުވެފައިވެ އެވެ.

ހަނގުރާމައާ ގުޅޭ ގޮތުން ޔުކްރެއިންގެ ސަރުކާރުން ވަނީ، ހަނގުރާމަ ނިންމުމަށް ޙައްލެއް ހޯދުމަށް ބައިނަލްއަޤުވާމީ މުޖުތަމައުގެ އެހީތެރިކަން ވަރަށް ބޮޑަށް ބޭނުންވާ ކަމަށް ހާމަ ކޮށްފަ އެވެ. ނަމަވެސް، އަދި ވެސް ރަޝިޔާ އިން ތިބީ ޔުކްރެއިންގެ ބައެއް ސަރަހައްދުތައް އެ ޤައުމުގެ ބާރުގެ ދަށަށް ގެނެސްގެންނެވެ.

ޒެލެންސްކީގެ ދަތުރުފުޅާ ގުޅޭ އިތުރު ތަފްސީލް ތަކެއް ހާމަ ކޮށްފައި ނުވި ނަމަވެސް، މި ދަތުރުފުޅަކީ ޔުކްރެއިންގެ ހަނގުރާމަ ނިންމުމަށް ކުރެވޭ މަސައްކަތުގެ މުހިންމު ފިޔަވަޅަކަށް ވާނެ ކަމަށް ތަޖުރިބާާކާރުން ފާހަގަ ކުރެ އެވެ. އަދި ހަމަ އެހެންމެ، ޒެލެންސްކީ އާއި ޓްރަމްޕް ބައްދަލު ކުރައްވައި މަޝްވަރާ ކުރައްވައިފި ނަމަ، ހަނގުރާމަ ނިންމުމުގެ ޙައްލެއް ހޯދުމުގެ ފުރުސަތު ބޮޑު ވެދާނެ ކަމަށް އުންމީދު ކުރެވޭ ކަމަށް ވެސް ފާހަގަ ކޮށްފައިވެ އެވެ.

ރަޝިޔާ އިން ޔުކްރެއިންއާ ދެކޮޅަށް ހިންގަމުން އަންނަ ހަނގުރާމައިގައި ޔުކްރެއިން އަށް ވަނީ ވަރަށް ބޮޑެތި ގެއްލުން ތަކެއް ލިބިފަ އެވެ. އެ ޤައުމުގެ އެތައް ހާސް ބަޔަކު މަރުވެފައިވާއިރު، އެތައް މިލިއަން ބަޔަކު ވަނީ ޤައުމު ދޫކޮށް ހިޖުރަ ކުރަން ވެސް ޖެހިފަ އެވެ.