ޝަރީއާގެ ރޮނގުން ޔުނިވަރސިޓީގައި މާސްޓަރޒް ޑިގްރީ ހާސިލު ކުރަމުންދާ ޢުމަރު އަބޫ ޒަހްރާއަކީ ލޮލުގެ ފެނުމުން މަހްރޫމް ވެފައި ވާ ޒުވާނެކެވެ. ނަތީޖާއެއްގެ ގޮތުން، ކިއެވުން ފުރިހަމަ ކުރުމަށް ބޭނުންވާ އެކިއެކި ވަސީލަތްތައް ހޯދުމަށް އަބޫ ޒަހްރާއަށް ބޮޑެތި ތަކުލީފުތަކެއް އުފުލަންޖެހެއެވެ.
ލޮލުގެ ފެނުމުން މަހްރޫމް ވެފައި ވާ މީހުންނަށް ކިއުމުގެ ފުރުޞަތު ފަހިކޮށްދެނީ ބްރައިލްއިން ކަމަށް ވީ ނަމަވެސް، އަބޫ ޒަހްރާއަށް ބޭނުންވާ ލިޔެކިއުންތަކުން ބްރެއިލް ލިބެނީ އެންމެ 4 ބައިކުޅަ 1 ބައި ހާ ލިޔެކިއުންތަކަށެވެ. ބާކީ ހުރި ފޮތްފޮތް، ބްރައިލްއިން ލިބޭނެ އިންތިޒާމް ހަމަޖެއްސުމަށް ކުރަން ޖެހޭ ހުރިހާ ޚަރަދެއް ކުރަން ޖެހެނީ ޚުދު، އަބޫ ޒަހްރާގެ އަމިއްލަ ޖީބުންނެވެ.
މަތާރް މަޝްރޫއުގެ ކުރިން، ބޭނުންވާ ވަސީލަތްތައް ޕްރިންޓްކޮށް ހަދަނީ އަމިއްލަ ޖީބުން ޚަރަދު ކޮށްގެން. އެއީ ވަރަށް އަގުބޮޑު ކަމެއް. އެންމެ ފޮތެއްގެ އަގަކީ 80 އުރުދުން ދީނާރް ނުވަތަ 112 ޑޮލަރު.ޢުމަރު އަބޫ ޒަހްރާ؛ ލޮލުގެ ފެނުމުން މަހްރޫމް ވެފައި ވާ ޔުނިވަރސިޓީ ދަރިވަރެއް
އެކަން ބަދަލުވީ، އަބޫ ޒަހްރާއަށް "މަތާރް" މަޝްރޫއު ތަޢާރަފުވި ހިސާބުންނެވެ.
މާލީ މަންފާއެއް ނުލިބޭ ގޮތަށް ހިންގާ މަޝްރޫއު ދެމެހެއްޓެނިވި ގޮތެއްގައި ކުރިއަށް ގެންދިއުމަށްޓަކާ، އުމުރުން 29 އަހަރުގެ ނޫރު އަޖުލޫނީ ވަނީ "މަތާރް ކެފޭ"ގެ ނަމުގައި ކެފޭއެއް ހުޅުވާފައެވެ. އެ ކެފޭއިން ލިބޭ ފައިސާ ޚަރަދު ކުރަނީ "މަތާރް" މަޝްރޫއުގެ ކަންކަމަށް ފަންޑު ކުރުމަށެވެ.
މަށަށް ކިއަނީ ނޫރު އަޖުލާނީ. މަށަކީ، މަތާރް މަޝްރޫއުގެ ފައުންޑަރ އަދި މެނޭޖަރު. މި ކެފޭއަކީ ތި މީހުން ގޮސް އުޅޭ އެހެން ކެފޭތަކާ ތަފާތު ކެފޭއެއް. މި ކެފޭއަށް ލިބޭ ހުރިހާ އާމްދަނީއެއް ހޭދަ ކުރަނީ، ލޮލުގެ ފެނުމުން މަހްރޫމުވެފައި ވާ މީހުންނަށް ތައުލީމު ހާސިލު ކުރުމުގެ ފުރުސަތު ހޯދާ ދިނުމުގެ މަސައްކަތަށް.ނޫރު އަޖުލޫނީ؛ މަތާރް މަޝްރޫއުގެ ބާނީ
ހިލޭ ސާބަހަށް ހިންގާ މަތާރް މަޝްރޫއަކީ އިޖުތިމާއީ ވިޔަފާރިވެރިޔާ ނޫރު އަޖުލޫނީގެ މަޝްރޫއެކެވެ. މަތާރް މަޝްރޫއަކީ ޔުނިވަރސިޓީ ތައުލީމަށް ބޭނުންވާ ފޮތްތަކާއި އެހެނިހެން ވަސީލަތްތައް، އޯޑިއޯކޮށް، ނުވަތަ ސްކްރީން ރީޑަރއަށް އަހުލުވެރި ދެލިގަނޑާއި ބްރައިލްއަށް ފައްތާދޭ މަޝްރޫއެކެވެ.
މަތާރްގެ އޮންނާނެ ވޮލަންޓިއަރުންގެ ބޮޑު ނެޓްވަރކްއެއް. އެމީހުން މަސައްކަތް ކުރާނީ އޮންލައިންކޮށް. ދުނިޔޭގެ އެކި ހިސާބުތަކުން 30000 އެއްހާ ވޮލަންޓިއަރުން މަސައްކަތް ކުރާނެ. ވޮލަންޓިއަރުންގެ މެދުގަ އަހަރަމެން ފޮތްތައް ބަހާލަނީ. އެހާ ހިސާބުން ވޮލަންޓިއަރުން، އެމީހުންގެ ފޯނުތަކަށް އެ ފޮތުގެ އޯޑިއޯ ރެކޯޑް ކޮށްދޭނެ. ނޫނީ، މައިކްރޮސޮފްޓް ވަރޑްގަ ފޮތް ޓައިޕްކޮށްދޭނެ. އަހަރަމެންނަށް ފޮތް ލިބޭ ހިސާބުން އޯޑިއޯ ފޮތް ނޫނީ، ބްރައިލް ގޮތަށް ޕްރިންޓްކޮށްފަ، ލޮލުގެ ފެނުމުން މަހްރޫމް ވެފައިވާ ދަރިވަރުންނަށް ފޮތްތައް ފޯރުކޮށްދެނީ.ނޫރު އަޖުލޫނީ؛ މަތާރް މަޝްރޫއުގެ ބާނީ
މަތާރް ފަރުމާކޮށްފައި ވަނީ އަރަބި ދުނިޔޭގެ ޔުނިވަރސިޓީތަކުގައި ތައުލީމު ހާސިލު ކުރަމުންދާ ދަރިވަރުންގެ ތެރެއިން ލޮލުގެ ފެނުމުން މަހްރޫމް ވެފައިވާ ދަރިވަރުން ބޭނުންވާ ފޮތްތައް، އެ ދަރިވަރުން އެދޭ ފޯމެޓަކަށް ބަދަލު ކުރާ ގޮތަށެވެ. ހާއްސަ އެޕްލިކޭޝަނެއް މެދުވެރިކޮށް، އެކަމަށް އެދި ހުށަހެޅުމުން، ލޮލުގެ ފެނުމުން މަހްރޫމް ވެފައިވާ ދަރިވަރުންނަށް އެ ފޮތެއް ހާއްސަކޮށް ފަރުމާ ކުރަނީ ހިލޭ ސާބަހަށެވެ. އެ މަސައްކަތުގައި، ދުނިޔޭގެ އެކި ކަންކޮޅުތަކުން 30 ހާހެއް ވޮލަންޓިއަރުންގެ ޕޫލަކުން ހަރަކާތްތެރިވެއެވެ.
އެހެން މީހުންނަށް އެހީތެރިކަން ފޯރުކޮށްދޭއިރު، ތިމާއީ ލޮލުގެ ފެނުމުން މަހްރޫމު ވެފައި ވާ މީހުންގެ ލޯ ނުވަތަ އަޑޭ ހިތަށް އެރީމަ އެ ކުރެވެނީ ވަރަށް ހިތްގައިމު އިހްސާސެއް. އެ އިހްސާސް ބަޔާންކޮށްދޭކަށްވެސް ނޭނގެ.ޝާހިރާ ސަމާރާ؛ މަތާރްގެ ވޮލަންޓިއަރ އަދި ހެޑް އޮފް އާކައިވް
ލޯފާން ދަރިވަރަކު ފޮތަކަށް އެދި ހުށަހެޅުމުން، ވޮލަންޓިއަރުންގެ މަސައްކަތް ފަށައިގަނެއެވެ. ކޮންމެ ވޮލަންޓިއަރަކަށްވެސް ނިންމާލަންޖެހެނީ އެންމެ ދެތިން ޞަފުހާއެވެ. މާ ގިނަ ވަގުތެއް ނުނަގާ، މުޅި ފޮތް ނިންމާލައެވެ.
2013 އިން ފެށިގެން މިހާ ހިސާބަށް އާދެވުނުއިރު، ލޮލުގެ ފެނުމުން މަހްރޫމުވެފައިވާ 800 އަށްވުރެ ގިނަ ދަރިވަރުންނަށް އެހީވެދެވިއްޖެ، 30000 އަށްވުރެ ގިނަ ވޮލަންޓިއަރުންގެ އެހީގަ. ކޮންމެ މަހަކުވެސް، އިލްމީ 200 އަށް ވުރެ ގިނަ ފޮތް އެބަ ތައްޔާރު ކުރަން، ލޮލުގެ ފެނުމުން މަހްރޫމް ވެފައިވާ މީހުންނަށް ހާއްސަކޮށްގެން.ނޫރު އަޖުލޫނީ؛ މަތާރް މަޝްރޫއުގެ ބާނީ
އަބޫ ޒަހްރާ ފަދަ ދަރިވަރުންނަށް އެހީތެރިކަން ފޯރުކޮށްދިނުމަށް "މަތާރް" މަޝްރޫއުއިން ފޯރުކޮށްދޭ ޚިދުމަތުގެ އަގު ވަޒަންކޮށް، ދޭސީ އަދި ސަރަހައްދީ ފެންވަރުގެ ގިނަ އެވޯޑްތަކަކާއި ފަންޑުތަކެއް އެ މަޝްރޫއަށް ވަނީ ލިބިފައެވެ.
ތައުލީމު ހާސިލު ކުރުމަށް ބޭނުންވާ ވަސީލަތްތަކުގެ ތެރެއިން މީގެ ކުރިން ހަމަޖެހިގެން ދިޔައީ 15 ވަރަކަށް ޕަސެންޓްގެ ވަސީލަތްތައް ކަމުގައި ވީ ނަމަވެސް، "މަތާރް" މަޝްރޫއާއެކު މިހާރު 100 ޕަސެންޓް ވަސީލަތްތައް ހަމަޖެހިފައި ވާ ކަން، އަބޫ ޒަހްރާ އުފަލާއެކު ފާހަގަ ކުރެއެވެ.
