ބޮޑު ތަފާތަކުން ބިސްބުރު ބަލިކޮށް، އީގަލްސްއާއި ދެކޮޅަށް ސަސް!

އެފްއޭކަޕް ފުޓްބޯޅަ މުބާރާތުގައި ބޮޑު ތަފާތަކުން ބިސް ބިރު ސްޕޯރޓްސް ކްލަބް ބަލިކޮށް, އީގަލްސްއާއި ވާދަކުރުމުގެ ފުރުޞަތު ސުޕަރ ޔުނައިޓެޑް ސްޕޯރޓްސް (ސަސް) އިން ހޯދައިފިއެވެ.

ދިވެހި ޕްރިމިއަރ ލީގުގެ ހަތްވަނައަށް ދިޔަސް ސަސްއިން ވަނީ ދެވަނަ ޑިވިޝަންގައި ވާދަކުރާ ބިސް ބުރު 10-0 ން ބަލިކޮށްފައެވެ. މެޗުގައި ސަސްގެ އައިހަމް އަހުމަދާއި, އަހުމަދު ހުސާމްއާއި, އަލީ ނަސޫހު ރަޝީދު ކޮންމެ ކުޅުންތެރިއަކު ދެ ލަނޑު ޖެހިއެވެ. ސަސްގެ ފުރަތަމަ ލަނޑު ހަ ވަނަ މިނިޓްގައި ޖެހީ އިބްރާހީމް އަތީގު ހަސަންއެވެ. ސަސްއަށް މެޗުގައި ދެން ލަނޑުތައް ޖަހައިދިނީ މުޙައްމަދު ޝަހާއު, އަލީ ނަސޫހު ރަޝީދު, އަދި އަހުމަދު ހަމީދުއެވެ.

މިމޮޅާއެކު ކްއާޓަރ ފައިނަލްގައި ސަސް ވާދަކުރަން ޖެހޭނީ ކްލަބް އީގަލްސްއާއިއެވެ. ސަސްއާއި އީގަލްސް ވާދަކުރާނީ އަންނަ ހޯމަ ދުވަހު ހަވީރުއެވެ. ކްއާޓަރ ފައިނަލް ފުރަތަމަ މެޗުގައި ހުކުރު ދުވަހުގެރޭ ވާދަކުރާނީ މާޒިޔާއާއި, ޔުނައިޓެޑް ވިކްޓްރީއެވެ.