ބައިޑެން އަނެއްކާވެސް ކޮވިޑަށް ޕޮޒިޓިވްވެއްޖެ
މިދިޔަ ހަފްތާ ތެރޭގައި ދެފަހަރަށް ޓެސްޓުކުރުމުންވެސް ނަތީޖާ ވަނީ ނެގެޓިވް ވެފައި
އެމެރިކާގެ ރައީސް އިސްރާއިލަށް ކުރެއްވި ދަތުރުފުޅުގެ ތެރެއިން
އެމެރިކާގެ ރައީސް ޖޯ ބައިޑެން އަނެއްކާވެސް ކޮވިޑަށް ޕޮޒިޓިވްވެއްޖެއެވެ.
ބައިޑެން އަނެއްކާވެސް ކޮވިޑަށް ޕޮޒިޓިވްވެފައިވަނީ ކޮވިޑަށް ޕޮޒިޓިވްވެ އައިސޮލޭޝަން ނިންމެވިތާ ދުވަސްކޮޅެއް ފަހުންނެވެ.
ވައިޓް ހައުސްގެ ފިޒީޝަން ޑރ. ކެވިން ވިދާޅުވީ ކޮވިޑް-19 ގެ އެއްވެސް އަލާމާތެއް ބައިޑެންގެ ކިބައިން ފެނިފައިނުވާ ކަމަށެވެ. އަދި އެމަނިކުފާނުގެ ހާލުކޮޅު ރަނގަޅު ކަމަށް ޑރ. ކެވިން ވިދާޅުވިއެވެ.
މީގެ 9 ދުވަސް ކުރިން ބައިޑެން ކޮވިޑަށް ޕޮޒިޓިވްވެފައިވާކަން ހާމަކުރައްވާފައިވާއިރު، މިދިޔަ ހަފްތާ ތެރޭގައި ދެފަހަރަށް ކޮވިޑަށް ޓެސްޓުކުރުމުންވެސް ނަތީޖާ ވަނީ ނެގެޓިވް ވެފައެވެ. އަނެއްކާވެސް ކޮވިޑަށް ޕޮޒިޓިވްވުމާއެކު މިހާރު ހުންނެވީ އައިސޮލޭޝަންގައެވެ. އެންމެ މަދުވެގެން 5 ދުވަހު އައިސޮލޭޝަންގައި ހުންނަވާނެ ކަމަށް ރިޕޯޓުކޮށްފައިވެއެވެ.
