މޯލްޑިވްސް ފިލްމް އެސޯސިއޭޝަން އިންތިޚާބު 2022 ގައި އެ އެސޯސިއޭޝަންގެ ޗެއަރޕަރސަންގެ މަގާމު ޝިވާޒް އަބްދުﷲ ކާމިޔާބުކޮށްފިއެވެ.
ބުދަ ދުވަހު ކުރިއަށްދިޔަ މި އިންތިޚާބުގައި ޗެއަރޕަރސަންގެ މަގާމަށް ދެ ކެންޑިޑޭޓަކު ކުރިމަތިލާފައިވެއެވެ. އެއީ އިބްރާހިމް ރަޝީދު މޫސާއާއި، ޝިވާޒް އަބްދުﷲއެވެ. އިބްރާހިމް ރަޝީދު މޫސާއަށް ލިބިފައިވަނީ 41 ވޯޓެވެ. އަދި 47 ވޯޓާއެކު ޝިވާޒް ވަނީ ޗެއަރޕަރސަންގެ މަަގާމު ކާމިޔާބުކޮށްފައެވެ.
ވައިސް ޗެއަޕާސަންއަށް ވާދަކޮށްފައިވަނީ އަބްދުﷲ މުއާޒާއި، އާމިރާ އިސްމާއިލްއެވެ. މީގެ ހަފްތާއެއް ކުރިން މުއާޒު ވަނީ އޭނާގެ ނަން އަނބުރާ ގެންގޮސްފައެވެ. އެއާއެކު ވައިސް ޗެއަރގެ މަގާމަށް އާމިރާ ވަނީ އައްޔަންވެފައެވެ.
- ކެންޑިޑޭޓް ނަންބަރު 1 އަމްޖަދު އިބްރާހިމް - 70 ވޯޓު
- ކެންޑިޑޭޓް ނަންބަރު 2 އަހުމަދު ޝާހު - 72 ވޯޓު
- ކެންޑިޑޭޓް ނަންބަރު 3 އަލީ ޝާހިދު- 15 ވޯޓު
- ކެންޑިޑޭޓް ނަންބަރު 4 މުހައްމަދު ފައިސަލް- 41 ވޯޓު
- ކެންޑިޑޭޓް ނަންބަރު 5 އިބްރާހިމް ރިޔާޒު- 51 ވޯޓު
މިއާއެކު ބޯޑު މެމްބަރުންނަށް ހޮވިފައިވަނީ އަމްޖަދު އިބްރާހިމް، އަހުމަދު ޝާހު އަދި އިބްރަހިމް ރިޔާޒެވެ.
މީގެއިތުރުން، ޓްރެޜަރާގެ މަގާމަށް އަބްދުﷲ މާހިރުއާއި، ޖާދުﷲ އިސްމާއިލް ވާދަކޮށްފައިވެއެވެ. 66 ވޯޓާއެކު މި މަގާމަށް ހޮވިފައިވަނީ ޖާދުﷲ އިސްމާއިލްއެވެ.
ޖެނެރަލް ސެކެޓްރީގެ މަގާމަށް ވެސް ދެ ކެންޑިޑޭޓަކު ކުރިމަތިލާފައިވެއެވެ. އެއީ މުހައްމަދު ރިފްޝާންއާއި، މުހައްމަދު މަނިކެވެ. 52 ވޯޓާއެކު މި މަގާމު ކާމިޔާބުކުރީ މުހައްމަދު މަނިކެވެ.
