"ބަޓްލާ ހައުސް" ގެ ޓީޒާ ހޮނިހިރު ދުވަހު އާންމު ކޮށްފިއެވެ.
ބޮލީވުޑްގެ މަޝްހޫރު ތަރި ޖޯން އަބްރަހަމް ލީޑް ރޯލުން ފެނިގެންދާ މި ފިލްމަކީ 2008 ވަނަ އަހަރުގެ ސެޕްޓެމްބަރު މަހުގެ 19 ވަނަ ދުވަހު ހިނގި ހަގީގީ ހާދިސާއެއްގެ މައްޗަށް ބިނާކޮށް ހަދާފައިވާ ފިލްމެކެވެ.
Advertisement
އިންޑިއާގެ ޓެރަރިސްޓް ގުރޫޕަކާއި ފުލުހުންނާ ދެމެދު ދިއްލީގެ ބަޓްލާ ހައުސް ގައި ހިނގި ހަމަނުޖެހުން ތަކެއް ދައްކައިދޭ މި ފިލްމުގައި ޖޯން އަބްރަހަމް ފެނިގެންދާނީ ފުލުސް އޮފިސަރު ސަންޖީވް ކުމާރު ޔާދަވްގެ ރޯލުންނެވެ. ފިލްމުގެ ބަތަލާ ނަންދިތާ ކުމާރުގެ ރޯލުން ފެނިގެންދާނީ ބޮލީވުޑަށް މުޅިން އަލަށް ތައާރަފުވާ ތަރި މްރޫނަލް ތާކޫރުއެވެ.
މި ފިލްމު ރިލީޒް ކުރުމަށް ހަމަޖެހިފައި ވަނީ މިއަހަރުގެ އޯގަސްޓް މަހުގެ 15 ވަނަ ދުވަހުއެވެ.
