ސަސް ކޮޅަށް މާޒިޔާއިން 10 ލަނޑު، އެއްވަނާގައި 8 ޕޮއިންޓްގެ ލީޑެއް!

ސުޕަރ ޔުނައިޓެޑް ސްޕޯރޓްސް (ސަސް) ކޮޅަށް 10 ލަނޑު ޖަހައިގެން މޮޅުވެ, މާޒިޔާއިން ދިވެހި ޕްރިމިއަރ ލީގު ތާވަލްގެ އެއްވަނާގައި 8 ޕޮއިންޓްގެ ލީޑެއް ނަގައިފިއެވެ.

މާޒިޔާއިން ލީގުގައި ކުޅުނު 17 ވަނަ މެޗު ސަސްއާ ވާދަކޮށް ކާމިޔާބުކުރީ 10-0 ނެވެ. މިމޮޅާއެކު މާޒިޔާ އެއްވަނާގައި އޮތީ 17 މެޗުން 48 ޕޮއިންޓް ހޯދައިގެންނެވެ. ދެވަނާގައިވާ އީގަލްސްއަށް ލިބިފައިވަނީ 40 ޕޮއިންޓެވެ. ވިދިވިދިގެން ތިންވަނަ ފަހަރަށް ލީގު ހޯދަން މާޒިޔާއަށް ބާކީ އޮތް ހަތަރު މެޗުގެ ތެރެއިން ދެ މެޗުން މޮޅުވެގެން ފަރުޖައްސާލެވޭނެއެވެ.

ސަސް ކޮޅަށް މާޒިޔާއިން ޖެހި 10 ލަނޑުގެ ތެރެއިން ތިން ލަނޑު ޖަހާ ހަމްޒާ މުޙައްމަދު (ހަމްޕު) ހެޓްރިކް ހެދިއެވެ. ފުރަތަމަ ލަނޑު ޖެހީ ކޯނޭއެވެ. މިޑްފީލްޑަރ އައިހަމްއާއި, ޓަނާއާއި, އަސަދުالله އަބުދުالله ކޮންމެ ކުޅުންތެރިއަކު މެޗުގައި ދެ ލަނޑު ޖެހިއެވެ. އަސަދުالله ފުރަތަމަ ލަނޑު ޖެހީ 75 ވަނަ މިނެޓްގައި ކުޅެން ނިކުމެ 76 ވަނަ މިނެޓްގައެވެ.

ކޮންމެ ޓީމެއް 17 މެޗު ކުޅެނިމުނުއިރު ލީގުގެ ގަދަ ހަތަރެއްގައި އޮތީ މާޒިޔާއާއި އީގަލްސްގެ އިތުރުން ޓީސީއާއި, ގްރީން ސްޓްރީޓްސްއެވެ.