ދަ ގްރާންޑޭ ބަލިކޮށް، ޓީސީ 3 ވަނައަށް

ދަ ގްރާންޑޭ ބަލިކޮށް, ދިވެހި ޕްރިމިއަރ ލީގު ތާވަލްގެ ތިންވަނައަށް ޓީސީ ޖެހިލައިފިއެވެ.

ޓީސީ ލީގު ތާވަލްގެ ތިންވަނައަށް ދިޔައީ 16 މެޗުން 23 ޕޮއިންޓް ހޯދައިގެންނެވެ. ޓީސީގެ ފަހަތުގައި ވެލެންސިޔާ އޮތީ 23 ޕޮއިންޓާއެކުއެވެ. މެޗުގައި ދަ ގްރާންޑޭ ކޮޅަށް ޓީސީގެ ތިން ލަނޑު ޖެހީ ހައިސަމް ރަޝީދުއާއި އުމަރު ހުސައިން ސަލާހުއާއި, އަހުމަދު ސާމީއެވެ. ފުރަތަމަ ހާފްގައި ޓީސީން ދެ ލަނޑު ޖެހިއެވެ. ދަ ގްރާންޑޭ އޮތީ ޕޮއިންޓަކާއެކު ތާވަލްގެ ފުލުގައެވެ. ދަ ގްރާންޑޭ ފުރަތަމަ ޑިވިޝަންގައި ދެމިއޮތުމަށް ކޮލިފިކޭޝަން ކުޅެން ޖެހޭނެކަން މިހާރު ވަނީ ޔަގީންވެފައެވެ.

ލީގުގެ މިހަފުތާގެ މެޗުތައް ނިމޭނީ މިރެއެވެ. މިރޭ ވާދަކުރާނީ ޔުނައިޓެޑް ވިކްޓްރީއާއި އީގަލްސްއެވެ. އީގަލްސް އޮތީ ދެވަނާގައެވެ. ޔޫވީ އޮތީ 20 ޕޮއިންޓާއެކުއެވެ.