ބުރު ބަލިކޮށް، މާޒިޔާ އަލުން އެކަކަށް
20 ޖުލައި 2023 | ބުރާސްފަތި 13:48މެޗު ކާމިޔާބުކުރީ 2-0ން
ހަމްޕު ޖެހި ފުރަތަމަ ލަނޑަށްފަހު މާޒިޔާ ކުޅުންތެރިން އުފާފާޅުކުރަނީ: ފޮޓޯ-މާޒިޔާ
ދިވެހި ޕްރިމިއަރ ލީގުގެ ފުރަތަމަ ބުރުގައި ބުރު ސްޕޯރޓްސް ކްލަބް ބަލިކޮށް, މާޒިޔާ އަލުން އެއްވަނައަށް ޖެހިލައިފިއެވެ.
މެޗަށް ނުކުތްއިރު އެއްވަނަ ގެއްލިފައި އޮތްނަމަވެސް، މާޒިޔާއިން ވަނީ ލީގުގައި ދަމަހައްޓަމުން އަންނަ މޮޅުވުމުގެ ސިލްސިލާއާއެކު އެއްވަނައަށް ޖެހިލާފައެވެ. ބުރު އަތުން މާޒިޔާ މޮޅުވީ 2-0ންނެވެ. ދެ ހާފްގައި މާޒިޔާގެ ދެ ލަނޑު ޖެހީ ހަމްޒާ މުހައްމަދު (ހަމްޕު)އާއި ހަސަން ރާއިފް އަހުމަދު (ހަންނަ)އެވެ. މެޗުގެ މޮޅު ކުޅުންތެރިއަކީ މިޑްފީލްޑަރ ހުސައިން ނިހާނެވެ.
މިމޮޅާއެކު މާޒިޔާ އެއްވަނައަށް ޖެހިލީ ފަސް މެޗުންވެސް މޮޅުވެ 15 ޕޮއިންޓާއެކުއެވެ. ފަސް މެޗުން 13 ޕޮއިންޓާއެކު ދެވަނާގައި އޮތީ އީގަލްސްއެވެ. މިހަފުތާއާ ހަމައަށް އައިއިރު ބުރު ތިންވަނާގައި އޮތްނަމަވެސް މިހާރު ބުރު އޮތީ ހަތަރުވަނާގައެވެ. އެއީ ސަސްއާ ޕޮއިންޓްގެ ގޮތުން އެއްވަރުވެ ގޯލްގެ ތަފާތުންނެވެ.
މިއަދު މާޒިޔާ މޮޅުވިނަމަވެސް، ބުރަކީ މިސީޒަންގެ މިހާތަނަށް މާޒިޔާ ބަލިކުރި ހަމައެކަނި ޓީމެވެ. އެއީ ޕްރެޒިޑެންޓް ކަޕްގައެވެ. ލީގުގައި ބުރާސްފަތި ދުވަހުގެރޭ ވާދަކުރާނީ ގްރީން ސްޓްރީޓްސްއާއި ޓީސީއެވެ.
