މަޝްހޫރު ލަވަކިއުންތެރިޔާ ބިއޮންސޭ އައު އަލްބަމެއް ނެރެނީ

އެމެރިކާގެ މަޝްހޫރު ލަވަކިއުންތެރިޔާ ބިއޮންސޭ 6 އަހަރަށް ފަހު ލަވައިގެ އައު އަލްބަމް އެއް ނެރޭކަން އިއުލާން ކޮށްފިއެވެ. މިޖުލައިމަހުގެ 29 ވަނަ ދުވަހު ނެރުމަށް ކަނޑައަޅާފައިވާ އޭނާގެ އައު އަލްބަމް އަށް ދީފައިވާ ނަމަކީ "ރިނައިސާންސް" އެވެ. މިއީ 16 ޓްރެކްގެ މިއުޒިކް އަލްބަމް އެކެވެ.

އިންސްޓަރގްރާމްގަ 293 މިލިއަން ފޮލޮވަރސް މިވަގުތު ތިބި ބިއޮންސޭ އަކީ މިޔުޒިކްއާއި ލަވައިގެ ޗާޓްތަކުގެ އެންމެ ކުރިން މަގާމް ހޯދަމުން އައި ކުޅަދާނަ ފަންނާނެކެވެ. ސްޓްރީމްކުރާ ސައިޓް ތައްކަމަށްވާ ސްޕޮޓިފައި އަދި އެޕަލް އިންވެސް ވަނީ ބިއޮންސޭ ގެ އައުއަލްބަމް އިޝްތިހާރު ކޮށްފައެވެ. މީގެ އިތުރުން ބްރިޓިޝް ވޯގް މަޖައްލާގެ ޖުލައިމަހުގެ އެޑިޝަންގެ ބޭރުގައިވާ ތަރި އަކީވެސް އުމުރުން 40 އަހަރުގެ ބިއޮންސޭއެވެ.

2016 ވަނަ އަހަރުން ފެށިގެން ބިއޮންސޭ ގެ އަމިއްލަ މިޔުޒިކް އަލްބަލްއެއް ނެރެފައި ނުވި ނަމަވެސް އެހެން ބައެއް އާޓިސްޓުންނާއި ގުޅިގެން މަސައްކަތް ކޮށްފައި ވެއެވެ. މި ގޮތުން 2019 ވަނަ އަހަރު ނެރުނު "ލަޔަންކިންގ" ގެ ރިމޭކް އަލްބަލް ގެ ސައުޑްޓްރެކް އަށް މަސައްކަތް ކޮށްފައި ވެއެވެ.