ލިފްޓެއްގެ ތެރޭގައި އަންހެނަކަށް ޖިންސީ ގޯނާކުރި މައްސަލައެއް ބަލަނީ
އަންހެނަކަށް ޖިންސީ ގޯނާ ކޮށްފައިވަނީ ހެންވޭރުގެ ގެއެއްގެ ލިފްޓެއްގެ ތެރޭގައި
އަންހެނުންނަށް ކުރާ ޖިންސީ ގޯނާއާއި ދެކޮޅަށް ކުރި މުޒާހަރާއެއްގެ ތެރެއިން
މާލޭގެ ގެއެއްގެ ލިފްޓެއްގެ ތެރޭގައި އަންހެނަކަށް ޖިންސީ ގޯނާ ކުރި މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ ހެންވޭރުގެ ގެއެއްގައި އުޅެމުންދާ އަންހެނަކު ލިފްޓަށް އެރި ވަގުތު އެ ލިފްޓަށް އެރި ފިރިހެނަކު އޭނާއަށް ޖިންސީ ގޯނާ ކޮށްފައިވާ މައްސަލައެއް ހުށަހަޅާފައިވާ ކަމަށެވެ. އެ މައްސަލަ ހުށަހަޅާފައިވަނީ މި މަހުގެ 14 ވަނަ ދުވަހު ކަމަށް ވެސް ފުލުހުން ބުނެއެވެ.
މި މައްސަލަ އިތުރަށް ތަހުގީގުކޮށް ބަލަން ޖެހޭ ކަންކަން ބަލަމުންދާ ކަމަށް ވެސް ފުލުހުން ބުނެއެވެ.
މި މައްސަލައިގައި ޝައްކު ކުރެވޭ މީހެއްގެ ވީޑިއޯ ވެސް ސޯޝަލް މީޑިއާގައި ވަނީ އާއްމުވެފައެވެ. އެ ވޯޑީއޯއިން ފެންނަ ގޮތުގައި އެ ފިރިހެން މީހާ ހުރިހާ މޫނު ނިވާކޮށްގެންނެވެ.
