ހަނގުރާމަ ގަދަވެފައި އޮތް އުފަން ބިމާއި އާއިލާ ދޫކޮށް، އިއްޒުއްދީން މުހްސިން 2017 ވަނަ އަހަރު ފޮށިތަންމަތި ބަނދެގެން ޔަމަނުން ނުކުމެ، މިޞްރަށް މިސްރާބުޖެހީ މަތީ ތައުލީމު ހާސިލު ކުރާނެ ސްކޮލާޝިޕެއް ނުވަތަ އަދާކުރާނެ ވަޒީފާގެ ފުރުސަތެއްގެ އުއްމީދުގައެވެ.
ވިހޭސުއްރެ އަހަރެން އުޅުނީ ޔަމަނުގަ. އެކަމަކު ސާނަވީ ތައުލީމު ނިންމަލިތަނާ އަހަރެން އެކްސިޑެންޓްވި. ދިރިއުޅުމުގެ ހާލަތު ހުރި ގޮތުން، މިޞްރަށް ބަދަލުވާން ނިންމީ. ސްކޮލާޝިޕެއް ނުވަތަ ވަޒީފާގެ ފުރުޞަތެއް ހޯދަންއިއްޒުދީން މުހުސިން؛ ޔަމަނުގެ ރެފިއުޖީއެއް
އުމުރުން 26 އަހަރުގެ ޒުވާނާގެ އަތުގައި އެ 2 ނަސީބުވެސް ހިފިއެވެ. މިޞްރުގެ ޔުނިވާސިޓީއެއްގައި ބިޒްނަސް މެނޭޖްމަންޓްގެ ރޮނގުން ޑިގްރީ ހާސިލު ކުރަމުން، އޭނާފަދަ ރެފިއުޖީންނަށް އެހީތެރިކަން ފޯރުކޮށްދޭނެ ޖަމިއްޔާއެއްވެސް އުފެއްދިފައެވެ.
މުހުސިންގެ ޖަމިއްޔާއަކީ މިޞްރުގެ ވެރިރަށް ޤާހިރާގައި ދިރިއުޅޭ ރެފިއުޖީންނަށް، ދިރިއުޅުމުގެ އަސާސީ ހުނަރުތައް އުނގަންނައިދޭ ޖަމިއްޔާއެކެވެ. އެގޮތުން ވަޒީފާގެ މައިދާނަށް ނުކުތުމަށްޓަކާ ދިރިއުޅުމަށް ބޭނުންވާނެ ހުރިހާ ހުނަރެއް ދަސްކޮށްދެއެވެ. މުހުސިންގެ މިހާރުގެ އަމާޒަކީ، އޭނާގެ ޖަމިއްޔާއަށް އެންރޯލްވެފައިވާ މީހުންގެ ތެރެއިން ބައެއް މީހުންނަށް ވަޒީފާގެ ފުރުސަތުތައް ކަށަވަރު ކޮށްދިނުމެވެ.
7 އަހަރުވީ ހަނގުރާމައެއްގައި ސުންނާފަތި ވަމުންދާ ޔަމަނުގައި އެތައް މިލިއަން ބަޔަކަށް މިއަދު ދިރިއުޅެން މަޖުބޫރުވެފައި ވަނީ އިންތިހާ ފަގީރުކަމާއި ބަނޑުހައިހޫނުކަމުގެ އިތުރުން ބޯހިޔާވަހިކަމެއްވެސް ނެތް، ނިކަމެތި ހާލެއްގައެވެ.
ޔަމަނު އޮތީ ކާރިސާއެއްގަ. ބޮޑު ކާރިސާއެއްގަ. އިގުތިސޯދީ ކާރިސާއެއްގަ. މީހަކަށް ބޭނުންވެދާނެ އެންމެ ޒަރޫރީ ހިދުމަތްތައްވެސް ލިބޭކަށް ނެތް. ކަރަންޓެއް، ފެނެއް، ގޭހެއް، ޕެޓްރޯލެއް ޔަމަނުން ލިބޭކަށް ނެތް.އިއްޒުދީން މުހުސިން؛ ޔަމަނުގެ ރެފިއުޖީއެއް
ހަމަލާ ބަދަލުކުރުންތައް ހުއްޓާލުމަށް އޭޕްރިލް މަހު ވީ އެއްބަސްވުން އަދި ތަންފީޒުވަމުން ދާ ދިއުމަކީވެސް ގިނަ ބަޔަކަށް އުއްމީދުގެ ހުޅުކޮޅުގެ އަލި ގަދަވާ ސަބަބެކެވެ. ނަމަވެސް ހަގީގީ އުފާ އަދި އޮތީ މާ ދުރުގައެވެ.
އަހަރެން މިދަނީ ރެފިއުޖީންނާއި ހިޖުރަވެރިންނަށް ހާއްސަކޮށްގެން ކޯސްތަކެއް ފަރުމާ ކުރަމުން. ކުންފުނިތަކުގައި މަސައްކަތް ކުރާނެ ގޮތް އަންގައިދީ، އަމާޒު ކަނޑައަޅަން ދަސްކޮށްދީ، މަސައްކަތުގެ މާހައުލު ދަސްކުރާނެ ގޮތް އުނގަންނައިދެމުން. ބަލިފައިގެމައްޗަށް ގަދަވެ، އަދަބުވެރި އުޅުމެއް އުޅެން ދަސްކޮށްދެމުން. ކުރިމަތިވާ ގޮންޖެހުންތަކުގެ ތެރެއިން ފުރުޞަތު ހޯދާނެ ގޮތް ދަސްކޮށްދެމުންއިއްޒުދީން މުހުސިން؛ ޔަމަނުގެ ރެފިއުޖީއެއް
ގައުމުން ބޭރުގައި ހުރި ނަމަވެސް، ގައުމު ބިނާ ކުރުމުގެ ބުރަ ޒިންމާ، އަމިއްލަ އިހުތިޔާރުގައި ކޮނޑު އަޅައިގެން ހުރި މުހުސިން، މިހާރު އޭނާގެ ހުސްވަގުތު ހޭދަ ކުރަނީ، އެއްވެސް ފީއަކާ ނުލާ، ރެފިއުޖީންނަށް އޭނާ ހިންގާދޭ ކޯސްތައް ކުރިއަށް ގެންދާނެ ކުލާސްރޫމްގެ ކުލި ދައްކާނެ ފައިސާ ހޯދުމަށް، ވަޒީފާ އަދާކުރުމުގައެވެ.
