ވައި-ޕިއަރ ޓްރެއިނިންގ އޮފް ޓްރެއިނަރޒް ޕްރޮގްރާމު ނައިބު ރައީސް ފައްޓަވައިދެއްވައިފި
9 ޖޫން 2022 | ބުރާސްފަތި 08:33ޕްރޮގްރާމުން ބައިވެރިންނަށް ދަސްވާ ކަންތައްތަކުގެ ބޭނުން ހިފައިގެން މުޖުތަމަޢަށް އޭގެ ހެޔޮ ބަދަލުތައް ގެނެސްދިނުން އެދެން
ވައި-ޕިއަރ ޓްރެއިނިންގ އޮފް ޓްރެއިނަރޒް ޕްރޮގްރާމުގެ ތެރެއިން
"ވައި-ޕިއަރ ޓްރެއިނިންގ އޮފް ޓްރެއިނަރޒް ޕްރޮގްރާމު" ރައީސުލްޖުމްހޫރިއްޔާގެ ނައިބު ފައިޞަލް ނަސީމު ފައްޓަވައިދެއްވައިފިއެވެ.
ސޯޝަލް ސެންޓަރު ސެމިނަރ ހޯލްގައި ފެށި މި ޕްރޮގްރާމަކީ ޒުވާނުން ބާރުވެރިކޮށް، އެމީހުންގެ ބައިވެރިވުން އިތުރުކޮށް އެމީހުންގެ ކިބައިގައި ހިންގުމުގެ ހުނަރުތައް އަށަގެންނެވުމަށް ހިންގޭ ޕްރޮގްރާމެކެވެ.
ވައި-ޕިއަރ އަކީ ހިލޭ ސާބަހަށް މަސައްކަތްކުރާ 2000ށްވުރެ ގިނަ ޖަމާޢަތާއި ސަރުކާރުގެ އިދާރާތަކުގެ ޖުމްލަ 3300 ހަރަކާތްތެރި މެންބަރުން ހިމެނޭ ވިއުގައެކެވެ.
މި ރަސްމިއްޔާތުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާގެ ނައިބު ވަނީ މި ޕްރޮގްރާމުން ބައިވެރިންނަށް ދަސްވާ ކަންތައްތަކުގެ ބޭނުން ހިފައިގެން މުޖުތަމަޢަށް އޭގެ ހެޔޮ ބަދަލުތައް ގެނެސްދެއްވުމަށް އެދިވަޑައިގަންނަވާފައެވެ. ހަމަ އެހެންމެ، މި ބައިވެރިންނަށް އެމީހުންގެ އެކުވެރި އެހެން ޒުވާނުން ކުށުގެ މާހައުލަށް ވަނުން ހުއްޓުވުމުގެ ގޮތުން މަގުދައްކައިދީ އެހީތެރިވުންފަދަ މުހިންމު ދައުރުތައް އަދާކުރެވިދާނެކަން އެމަނިކުފާނު ފާހަގަކުރެއްވިއެވެ.
މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓުން، ޔުނައިޓެޑް ނޭޝަންސް ޕޮޕިއުލޭޝަން ފަންޑް (ޔޫ.އެން.އެފް.ޕީ.އޭ) ގުޅިގެން މަސައްކަތްކުރަމުން ދަނީ ރާއްޖޭގައި ވައި-ޕިއަރ ޤާއިމުކުރުމަށާއި ވައި-ޕިއަރގެ ސަރަހައްދީ މެންބަރަކަށް ހެދުމަށެވެ.
މާލެ ސަރަޙައްދާއި އަދި ހަތަރު އަތޮޅެއްގެ 9 ރަށެއްގެ އުމުރުން 18 އަހަރާއި 30 އަހަރާ ދެމުގެ ޖުމްލަ 31 ޒުވާނުން މި ތަމްރީނު ޕުރޮގުރާމުގައި ބައިވެރިވެއެވެ. މި ޕްރޮގްރާމު ކުރިޔަށްގެންދަނީ 10 ދުވަހުގެ މުއްދަތަށެވެ.
