ދިޔަމިގިލީ މުއައްސަސާ ކަޕް: ގުރުއަތު ނަގައިފި

ކޮޅުމަޑުލު ދިޔަމިގިލީ ކައުންސިލް އިދާރާއިން އިންތިޒާމުކޮށްގެން ބާއްވާ މުއައްސަސާ ކަޕް 2022 ގެ ގުރު ނަގައިފިއެވެ.

މުއައްސަސާ ކަޕް 2022ގެ ނަމުގައި ދިޔަމިގިލީ ކައުންސިލުން ވަނީ ދެމުބާރާތް ބޭއްވުމަށް ނިންމާފައެވެ. އެއީ އެރަށުގެ މުއައްސަސާތަކުގައި މަސައްކަތް ކުރާ ފިރިހެން މުއައްޒަފުންނަށް ފުޓްސަލް މުބާރާތެއް އަދި އަންހެން މުއައްޒަފުންނަށް ހޭންޑް ބޯޅަ މުބާރާތެކެވެ. ފުޓްސަލް މުބާރާތުގައި ފަސް ޓީމަކުން ބައިވެރިވާއިރު، ހޭންޑް ބޯޅަ މުބާރާތުގައި ހަތަރު ޓީމެއް ވާދަކުރެއެވެ.

މިމުބާރާތުގައި ބައިވެރިވާ މުއައްސަސާތަކަކީ ދިޔަމިގިލީގެ ކައުންސިލް، ސްކޫލް، ސިއްހީމަރުކަޒު އަދި ދިޔަމިގިލި ފެނަކަ ބްރާންޗްއެވެ. މިއީ ދިޔަމިގިލީގެ މުއައްސަސާތަކަށް ހުޅުވާލައިގެން ކުރިއަށް ގެންދާ މުބާރާތެއް ނަމަވެސް ކޮންމެ ޓީމެއްގައި މުއައްސަސާާއިން ބޭރުގެ ތިން ކުޅުންތެރިން ހިމެނުމުގެ ފުރުސަތު އޮންނާނެއެވެ.

މުބާރާތުގެ ގުރުއަތުލުން ބޭއްވީ އާދީއްތަ ދުވަހުގެ މެންދުރު ފަހު ކައުންސިލް އިދާރާގައެވެ. މުބާރާތް ކުރިއަށް ދާނީ ލީގު އުސޫލަށެވެ. ލީގު ބުރަކަށް ފަހު އެންމެ މަތިން ޕޮއިންޓު ހޯދާ ޓީމެއް މުބާރާތުގެ ފައިނަލަށް ދަތުރު ކުރާނެއެވެ. ފައިނަލުގެ ދެވަނަ ޖާގަ ޔަގީންވާނީ ޕޮއިންޓް ތާވަލުގެ ދެވަނަ އަދި ތިންވަނަ ޓީމު ވާދަކުރާ ސެމީ ފައިނަލުން މޮޅުވާ ޓީމަކަށެވެ.

މުބާރާތް ކުރިއަށް ގެންދިއުމަށް ހަމަޖެހިފައި ވަނީ މިމަހު 12ން 24ގެ ނިޔަލަށެވެ.