އެފްރިކަން ކަޕް އޮފް ނޭޝަންސް ކެމަރޫން އިން ކާމިޔާބުކޮށްފި
މެޗުގެ ލީޑު ފުރަތަމަ ނެގީ މިސްރުން
އަބުދުﷲ ނަސީރު އިބްރާހިމް | 6 ފެބުރުއަރީ 2017 | ހޯމަ 02:32
އެފްރިކަން ކަޕް އޮފް ނޭޝަންގެ ފައިނަލް މެޗް
މިސްރުގެ މައްޗަށް ކުރި ހޯދައި، ކެމަރޫންއިން އެފްރިކަން ކަޕް އޮފް ނޭޝަންސް ކާމިޔާބުކޮށްފި އެވެ.
ފައިނަލުގައި މަސްރާއި ވާދަކޮށް، ކެމަރޫން އިން މުބަރާތުގެ ތަށު އުފުލާލީ، 1 ލަނޑުގެ ތަފާތަކުންނެވެ. އެގޮތުން މެޗުގެ ފުރިހަމަ ވަހުތު ހަމަވިރު، ކެމްރޫނުން ދެ ލަނޑު ޖެހިއިރު، މިސްރުގެ ކުޅުންތެރިންނަށް، ކާމިޔާބުކުރެވުނީ އެންމެ ލަނޑެކެވެ.
މިސްރުންވެސް މޮޅު ކުޅުމެއް ކުޅުނު މެޗުގައި ފުރަތަމަ ލީޑުވެސް ނެގީ އެ ޓީމުންނެވެ. އެގޮތުން މެޗުގެ 22 ވަނަ މިނެޓުގައި މިސްރަށް ލީޑް ނަގައިދިނީ އެލްނެނީ އެވެ. އެ ނަތީޖާގައި ފުރަތަމަ ހާފް ނިންމާލިއިރު، މެޗުގެ ނަތީޖާ ކެމަރޫންއިން ހަމަހަމަކުރީ މެޗުގެ 59 ވަނަ މިނެޓުގައި އެވެ. އަދި އެ ޓީމަށް ލީޑް ނަގައިދިނީ މެޗުގެ 88 ވަނަ މިނިސްޓުގައި އަބޯއުބަކަރު އެވެ.
