މަޝްހޫރު ޕޮޕް ސްޓަރ ރިހާނާ އޭނާގެ ފުރަތަމަ ދަރިފުޅު ވިހައިފިއެވެ.
އުމުރުން 34 އަހަރުގެ ރިހާނާ ބަލިވެއިންކަން އޭނާ އިއުލާނުކޮށްފައިވަނީ މިއަހަރުގެ ފެބްރުއަރީ މަހުއެވެ. މީގެ ހަފްތާއެއް ކުރިން ރިހާނާ ވިހާފައިވާކަމަށް މީޑިއާތަކުގައި ވަނީ ރިޕޯޓުކޮށްފައެވެ. އެހެންނަމަވެސް އެކަން އޭނާގެ ފަރާތުން މީޑިއާއަށް ކަށަވަރުކޮށްދީފައެއް ނުވެއެވެ.
އޭނާ ވިހާފައިވަނީ ފިރިހެން ކުއްޖެއް ކަމަށް މީޑިއާގައި ރިޕޯޓުކޮށްފައިވެއެވެ. އޭނާގެ ދަރިފުޅަށް ކިޔާފައިވަނީ ކޮން ނަމެއް ކަމެއް އަދި ހާމަކޮށްފައެއް ނުވެއެވެ.
ރިހާނާއާ އޭނާގެ ލޯބިވެރިޔާ، ރެޕް ލަވަކިޔުންތެރިޔާ އޭސެޕް ރޮކީއާ ގުޅުނީ 2020 ވަނަ އަހަރުގެ ޖެނުއަރީ މަހުއެވެ. އެ ދެމީހުންގެ ގުޅުމަށް ދެ އަހަރު ވެފައިވާއިރު މިއީ އެ ދެމީހުންގެވެސް ފުރަތަމަ ދަރިފުޅެވެ.
