ފްރާންސްގެ ބޮޑު ވަޒީރު އިސްތިއުފާ ދެއްވައިފި
އައު ބޮޑުވަޒީރުކަމުގެ މަގާމާ ހަވާލުވެވަޑައިގެންނެވީ، މިހާރުގެ ލޭބަރ މިިނިސްޓަރ
މަގާމުން އިސްތިއުފާ ދެއްވި ބޮޑު ވަޒީރު އަދި މަގާމާ ހަވާލުވެވަޑައިގެންނެވި އެލިޒަބަތު ބޯން
ފްރާންސްގެ ބޮޑު ވަޒީރު ޖޯން ކޮސްޓެކްސް މަގާމުން އިސްތިއުފާ ދެއްވައިފިއެވެ.
އޭނާ މަގާމުން އިސްތިއުފާ ދެއްވީ ހޯމަދުވަހުއެވެ. ބޮޑު ވަޒީރު އިސްތިއުފާ ދެއްވީ ގައުމަށް ގެންނަން ބޭނުންވާ އިސްލާހީ ބަދަލުތަކަށް ޖާގަ ދެއްވުމުގެ ގޮތުން ކަމަށް ވިދާޅުވެ ކަމަށް ރިޕޯޓުތައް ބުނެއެވެ. ނަމަވެސް ހަގީގީ ސަބަބަކީ ރައީސް އިމެނުއަލް މެކްރޯން ކެބިނެޓަށް ގެންނަވަން ބޭނުންފުޅުވާ ބަދަލްތައް ގެނައުމަށް މަގު ފަހި ކުރެއްވުމެވެ.
ދެވަނަ ދައުރަކަށް އެޕްރިލްމަހު މެކްރޯން އިންތިޚާބު ވެވަޑައިގެންނެވުމަށްފަހު ވަނީ ގައުމަށްގެނައުމަށް ރައްޔިތުން އެދޭ އިސްލާހީ ބަދަލުތައް ގެންނަވާނެ ކަމުގެ ޔަގީންކަން ދެއްވާފައެވެ. މެކްރޯން ވިދާޅުވެފައިވަނީ ރައްޔިތުންގެ ހުރި ކަންބޮޑުވުންތައް އަޑުއެއްސެވި ކަމަށާއި، ރައްޔިތުން ބޭނުންވާ ބަދަލުތައް ގެންނަވާނެ ކަމަށެވެ.
އައު ބޮޑުވަޒީރުކަމުގެ މަގާމާ ހަވާލުވެވަޑައިގެންނެވީ، މިހާރު ލޭބަރ މިިނިސްޓަރ ކަމުގެ މަގާމުުގައި ހުންނެވި، އެލިޒަބަތު ބޯންއެވެ.
ބޯން ވާނީ ފާއިތުވި 30 އަހަރުގެތެރޭގައި ފްރާންސްގެ ބޮޑުވަޒީރުކަން ކުރައްވާ ފުރަތަމަ އަންހެން ބޭފުޅާއަށެވެ.
