ވެމްބްލީގައި އެންމެ ފަހުން ކުޅުނު 6 ފައިނަލްވެސް މައުންޓަށް ނާކާމިޔާބު!
15 މެއި 2022 | އާދީއްތަ 09:09މައުންޓް ޖެހި ޕެނަލްޓީ ލިވަޕޫލްގެ ކީޕަރު އެލިސަން ވަނީ މަތަކޮށްފައި
ޗެލްސީއަށް ކުޅެމުން އަންނަ މޭސަން މައުންޓް
އިނގިރޭސި އެފްއޭ ކަޕްގެ ފައިނަލް މެޗުގައި ލިވަޕޫލް އާއި ވާދަކޮށް ޗެލްސީ ބަލިވުމުން އެޓީމުގެ މިޑްފީލްޑަރ މޭސަން މައުންޓް ވަނީ ވެމްބްލީ ސްޓޭޑިއަމްގައި ޖެހިޖެހިގެން ކުޅުނު ހަ ފައިނަލުންވެސް ބަލިވެފައެވެ.
ޗެލްސީ ފައިނަލުގައި ލިވަޕޫލް އަތުން ބަލިވީ އެއްވެސް ޓީމަކަށް ލަނޑެއް ނުޖެހި އެއްވަރު ވުމުން ޕެނަލްޓީ ޖަހައިގެންނެވެ. ޗެލްސީ ބަލިވީ މޭސަން މައުންޓް ޖެހި ޕެނަލްޓީ ނާކާމިޔާބުވެ، 5-6 ންނެވެ. މައުންޓް ޖެހި ޕެނަލްޓީ ލިވަޕޫލްގެ ކީޕަރު އެލިސަން ވަނީ މަތަކޮށްފައެވެ.
2019 ވަނަ އަހަރު މައުންޓް ކުޅުނީ ފްރެންކް ލަމްޕާޑުގެ ކޯޗުކަމުގައި ޑާބީ ކައުންޓީއަށެވެ. އެއަހަރު ޑާބީ އެސްޓަން ވިލާއާއި ވާދަކުރި ޗެމްޕިއަންޝިޕް ޕްލޭއޮފް ފައިނަލުން ބަލިވެ ޑާބީއަށް ވަނީ ޕްރިމިއަރ ލީގުގެ ޖާގަ ގެއްލިފައެވެ. އޭގެ ފަހުން ޗެލްސީގައި މައުންޓް ކުޅުނު އެފްއޭ ކަޕްގެ ތިން ފައިނަލުންވެސް ބަލިވީ ވެމްބްލީ ސްޓޭޑިއަމްގައެވެ. މީގެ އިތުރުން، މިއަހަރުގެ ކުރީކޮޅު ލިވަޕޫލް އާއި ވާދަކޮށް ޗެލްސީ ވަނީ ކަރަބާއޯ ކަޕްގެ ފައިނަލުންވެސް ބަލިވެފައެވެ.
