ރާއްޖެޓީވީގެ "ހީލަމާ" ޝޯއަށް މަޚްލޫފު ކުއްލި ގޮތަކަށް ވަޑައިގެންފި!
9 ޖޫން 2017 | ހުކުރު 17:59އަންނަ ހުކުރުން ފެށިގެން ހީލަމާ ޕްރޮގްރާމް ހުށަހަޅައި ދެއްވާނީ މަހްލޫފް
ރާއްޖެޓީވީގެ "ހީލަމާ" ޝޯގައި މަޚްލޫފް
ރާއްޖެޓީވީގެ ކުޑަކުދިންގެ ޚާއްސަ ޕްރޮގްރާމް "ހީލަމާ" ޝޯއަށް ކުއްލި ގޮތަކަށް ގަލޮޅުދެކުނު ދާއިރާގެ މެންބަރު އަހުމަދު މަޚްލޫފް ވަޑައިގެންފިއެވެ.
މިދިޔަ އަހަރުގެ ރޯދަމަހު ގެނެސްދިން ހީލަމާގެ ހުރިހާ ސޯއެއް ވެސް ހުށަހަޅައި ދެއްވީ މަހްލޫފެވެ.
މިއަހަރު މި ޝޯ ފެށި އިރު މަޚްލޫފް ޖަލުގައި ހުންނެވުމާއި އެކު ފުރަތަމަ ޝޯ ހުށައަޅައިދެއްވީ މަހްލޫފުގެ އަނބިކަނބަލުން ނަޒްރާ ނަސީމެވެ. ކޮންމެ ހުކުރު ދުވަހެއްގެ ހަވީރު 4.30 ގައި އޮންނަ މި ޝޯގެ މިއަދުގެ ޕްރޮގާރާމަށް މަޚްލޫފް ވަޑައިގަތީ އޭނާގެ ދަރިކަލުން ލައިބާ އަހްމަދު މަހްލޫފް (އެލީ)އާ އެކު އެވެ.
ޖަލުގައި 10 މަހަށް ވުރެ ގިނަ ދުވަހު ހުންނެވުމަށް ފަހު އޭނާ މިނިވަންވީ ވެސް މިއަދުގެ ހެނދުނުގެ ވަގުތެއްގައެވެ.
މިއަދުގެ ޝޯއަށް ވަޑައިގެން ހުރިހާ ކުޑަކުދިންނަށް މަޚްލޫފް ވިދާޅުވީ، ދެން އަންނަ ހުކުރަކުން ފެށިގެން "ހީލާމާ" ޝޯއިން އެކުދިންނާއި ބައްދަލުކުރާނެކަމަށެވެ.
މި ޕްރޮގްރާމް ސްޕޮންސަކޮށްފައިވަނީ ލޮޓަސް ފިހާރައިންނެވެ.
