ޕާކިސްތާނު ސަރުކާރުން ޔޫކްރެއިންއާއިއެކު ހަތިޔާރު ބަދަލުކުރުމުގެ އެއްބަސްވުމަކަށް އައިސްފައިވާ ކަމަށް ރިޕޯޓްތައް ބުނެފިއެވެ.

މީގެ ކުރިން އިމްރާން ޚާން ސަރުކާރުން ރަޝިޔާ އާއިއެކު ހަތިޔާރު ބަދަލުކުރުމުގެ އެއްބަސްވުމަކަށް އައި ނަމަވެސް މިހާރުގެ ބޮޑުވަޒީރު ޝާހްބާޒް ޝަރީފްގެ ސަރުކާރުން ފެންނަނީ ބަދަހި ޚާރިޖީ ސިޔާސަތަކަށް އިސްކަންދޭ ތަނެވެ.

ރިޕޯޓްތައް ބުނާ ގޮތުން ޕާކިސްތާނާއި ޔޫކްރެއިންއާއި ދެމެދު ވެފައިވާ އެއްބަސްވުމުގެ ދަށުން 2024 ގެ ނިޔަލަށް 1.6 ބިލިއަން ޑޮލަރުގެ ހަތިޔާރު ދެ ގައުމުގެ ދެމެދު ބަދަލުކުރެވިގެންދާނެއެވެ.

ޕާކިސްތާނު ކަހަލަ ނިއުކްލިޔާ ހަތިޔާރުގެ ގޮތުން މުއްސަނދި ގައުމަކުން ޔޫކްރެއިނާއެކު ހަތިޔާރު ބަދަލުކުރުމުގެ އެއްބަސްވުމަކަށް އައުން ވެގެންދާނީ ރަޝިޔާއިން ޖެހިލުން ވާނެ ކަމަކަށެވެ.