ކުޅުންތެރިއެއް ކަމަށް ހެދިގެން އުޅުނު ޕީއެސްޖީގެ ސަޕޯޓަރެއް ޖަލަށް!
އުމުރުން 28 އަހަރުގެ މި ފިރިހެން މީހާ ޖަލަށްލާން ހުކުމް ކޮށްފައި ވަނީ ދެމަސް ދުވަހަށް
ޕީއެސްޖީގެ ސަޕޯޓަރުންތަކެއް
ކުޅުންތެރިއެއްކަމަށް ހެދިގެން އުޅުނު ޕީއެސްޖީގެ ސަޕޯޓަރެއް ޖަލަށް ލައިފިއެވެ.
އުމުރުން 28 އަހަރުގެ މި ފިރިހެން މީހާ ޖަލަށްލާން ހުކުމް ކޮށްފައި ވަނީ ދެމަސް ދުވަހަށެވެ. އޭނާ ޖަލަށްލުމަށް ހުކުމް ކުރީ މިދިޔަ އަހަރުގެ ޔޫތު ކަޕްގައި ޕީއެސްޖީ އާއި ކްލަބް އެތުލެޓިކް ލީޒީއޫ ބައްދަލުކުރި މެޗުގައި ޕީއެސްޖީގެ ކުޅުންތެރިއެއް ކަމަށް ހެދި އޮޅުވާލައިގެން އުޅުމުގެ މައްސަލައިގައެވެ.
މި މެޗުގެ ކުރިން އޭނާހުރި ހޮޓެލްއިން ނިކުތް އިރު ފައިސާ ދެއްކުމަށް އެތަނުގެ ސްޓާފުން އެންގުމުން އޭނާ ބުނީ އެކަންތައް ހަމަޖެއްސުމަށް އޭނާގެ އޭޖެންޓަށް ގުޅުމަށެވެ. އަދި އޭޖެންޓުގެ ނަންބަރުކަމަށްބުނެ ދީފައިވަނީ ފޭކު ނަމްބަރެކެވެ. މިކަމާއި ގުޅިގެން ލީޒީއޫގައި އޭނާހުރި ހޮޓެލްއިން ވަނީ ލިބުނު ގެއްލުމުގެ ބަދަލުގައި 227.40 ޕައުންޑު ހޯދުމަށް އެދިފައެވެ.
މިހާރުވެސް ކުށުގެ ރެކޯޑު ގިނަ މި މީހާ ޖަލަށް ލުމަށް ހުކުމް ކޮށްފައިވަނީ އޭޕްރީލް 28 ވަނަ ދުވަހުއެވެ.
