ވިލިނގިލީ ދާއިރާގެ މެމްބަރު ސައުދު ފުލުހަށް ހާޒިރުކޮށްފި
ފުލުހަށް ހާޒިރުވެފައިވަނީ ބުރާސްފަތި ދުވަހުގެ ރޭ 8:30 އަށް
ގއ. ވިލިނގިލީ ދާއިރާގެ މެމްބަރު ސައުދު ހުސައިން
ވިލިނގިލީ ދާއިރާގެ މެމްބަރު ސައުދު ހުސައިން ޕޮލިހަށް ހާޒިރުކޮށްފިއެވެ.
ތަހްގީގުކުރަމުންދާ މައްސަލައެއްގައި މެމްބަރު ސައުދު ޕޮލިހަށް ހާޒިރުކުރީ ބުރާސްފަތި ދުވަހުގެ ރޭ 8:30 ގައެވެ.
ނަމަވެސް އެއީ ކޮން މައްސަލައެއް ކަމެއް އެނގިވަޑައިނުގަންނަވާ ކަމަށް އޭނާ ވިދާޅުވި އެވެ.
ސައުދު ޕޮލިހަށް ހާޒިރު ކުރިއިރު، އޭނާ ވަނީ ރައީސް ޔާމީން ފެކްޝަން ދޫކުރައްވައި ރައީސް މައުމޫން ފެކްޝަނާ ގުޅިވަޑައިގެންފަ އެވެ.
ރައްޔިތުންގެ މަޖިލީހުގެ ރައީސް އަބްދުﷲ މަސީހްގެ އިތުބާރު ނެތްކަމުގެ ވޯޓް ނެގުމަށް އިދިކޮޅު ފަރާތްތަކުން މަސައްކަތްކުރާއިރު، ގުޅިފައިވާ ކޯލިޝަންގެ މެމްބަރުން ޕޮލިހަށް ހާޒިރުކޮށް ތަހްގީގުކޮށްފައިވެ އެވެ. އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމް ދެ ފަހަރެއްގެ މަތިން ޖަލުގައި ބަންދު ވެސް ކުރި އެވެ.
އިދިކޮޅު ފަރާތްތަކުން ބުނާ ގޮތުގައި މެމްބަރުން ޕޮލިހަށް ހާޒިރުކުރަނީ އިސްލާހީ ހަރަކާތައް ހުރަސް އެޅުމަށެވެ.
