ހޭންޑް ލަގެޖް އުފުލުމުގެ ގަވާއިދަށް ބަދަލެއް ނުގެންނަން: މޯލްޑިވިއަން
މޯލްޑިވިއަނުން ދަތުރުކުރާ ކޮންމެ ދަތުރުވެރިޔަކަށް ހޭންޑް ލަގެޖްގެ ގޮތުގައި ކަނޑައެޅިފައިވާ 5 ކިލޯ، އިތުރު ޗާޖަކާނުލައި ގެންދެވޭނެ
މޯލްޑިވިއަން އެއަރލައިން
މޯލްޑިވިއަންއިން ދަތުރުވެރިންނަށް ދެމުންގެންދާ ހޭންޑް ލަގެޖްގެ މިންގަނޑަށް އެއްވެސް ބަދަލެއް ގެނެސްފައިނުވާކަމަށް އައިލެންޑް އޭވިއޭޝަނުން ބުނެފިއެވެ.
މޯލްޑިވިއަނުން ދަތުރުކުރާ ކޮންމެ ދަތުރުވެރިޔަކަށް ހޭންޑް ލަގެޖްގެ ގޮތުގައި ކަނޑައެޅިފައިވާ 5 ކިލޯ، އިތުރު ޗާޖަކާނުލައި ގެންދެވޭނެކަމަށް އައިލެންޑް އޭވިއޭޝަނުން ބުނެއެވެ. އަދި ހޭންޑް ލަގޭޖްގެ ބަރުދަން އިތުރުވެއްޖެނަމަ، އިތުރުވާބައި އެއްވެސް ހާލަތެއްގައި ހޭންޑް ލަގެޖުގެ ގޮތުގައި ނޭރުވޭނެކަމަށްވެސް ބުނެފައިވެއެވެ. މިހާލަތުގައި 5 ކިލޯއަށްވުރެ އިތުރުވާބައި ދޫކޮށްލައި، ލަގެޖެއްގެ ގޮތުގައި ފޮނުވުމަށް ފުރުސަތު ދެވޭނެކަމަށް އައިލެންޑް އޭވިއޭޝަނުން ބުނެއެވެ.
މީގެއިތުރުން ހޭންޑް ލަގެޖުގެ ގޮތުގައި ގެންދާ ފޮށި ނުވަތަ ދަބަހުގެ ދިގުމިނުގައި 20 އިންޗި، ފުޅާމިނުގައި 12 އިންޗި، އަދި އުސްމިނުގައި 7 އިންޗިއަށްވުރެ ބޮޑުވެގެން ނުވާނެއެވެ.
މިއީ މޯލްޑިވިއަނުން ހޭންޑް ލަގެޖްގެ މިންގަނޑުގެ ގޮތުގައި ގެންގުޅެމުން އަންނަ މިންގަނޑެވެ.
