އދ ގެ މައި މަރުކަޒުގައި ޝާހިދު އިމާމުވެ ހުކުރު ނަމާދު ކުރައްވަނީ
މިއީ އދ ގެ އާންމު މަޖިލީހުގެ ރައީސަކު، އެޖަމްއިއްޔާގެ މައި އިދާރާގައި އިމާމުވެ ހުކުރުކުރައްވާ ފުރަތަމަފަހަރު
އދ ގެ އާންމު މަޖިލީހުގެ ރައީސް އަދި ރާއްޖޭގެ ފޮރިން މިނިސްޓަރ އަބްދުﷲ ޝާހިދު
ނިއުޔޯކުގައި ހުންނަ އދ ގެ މައި މަރުކަޒުގައި ހުކުރު ދުވަހު އިމާމުވެ ހުކުރު ނަމާދުކުރައްވާނީ އދ ގެ އާންމު މަޖިލީހުގެ ރައީސް އަދި ފޮރިން މިނިސްޓަރ އަބްދުﷲ ޝާހިދުކަމަށް ފޮރިން މިނިސްޓްރީން ބުނެފިއެވެ.
ފޮރިން މިނިސްޓްރީން ބުނީ މިއީ އދ ގެ އާންމު މަޖިލީހުގެ ރައީސަކު، އެޖަމްއިއްޔާގެ މައި އިދާރާގައި އިމާމުވެ ހުކުރު ކުރައްވާ ފުރަތަމަ ފަހަރުކަމަށެވެ. ކޮންމެ ހުކުރު ދުވަހަކު އދ ގެ މައި މަރުކަޒުގައި އިސްލާމީ ގައުމުތަކުގެ މަންދޫބުންނާއި އދ ގައި މަސައްކަތްކުރާ މުސްލިމު މުވައްޒަފުން ޖަމާއަތުގައި ހުކުރު ނަމާދުކުރެއެވެ.
ނިއުޔޯކުގައި ހުކުރު ނަމާދުކުރާ ގަޑި ދިމާވަނީ ރާއްޖޭގެ ގަޑިން ހުކުރު ދުވަހުގެ ރޭ 10 ޖަހާއިރަށެވެ.
