ގއ. ވިލިނގިލީގެ މަގުތަކުގައި ތާރުއެޅުމުގެ އެއްބަސްވުމުގައި ސޮއިކޮށްފި
ކޮންޓްރެކްޓްގެ މުއްދަތަކީ 490 ދުވަސް
ގއ. ވިލިނގިލީގެ މަގު ހެދުމުގެ މަޝްރޫއުގެ އެއްބަސްވުމުގައި ސޮއިކުރުން
ޑިޒައިން އެންޑް ބިލްޑް އޮފް މޭޖަރ ރޯޑްސްއިން ގއ. ވިލިނގިލީގެ މަގުތަކުގައި ތާރުއެޅުމުގެ މަސައްކަތުގެ އެއްބަސްވުމުގައި ސޮއިކޮށްފިއެވެ.
28 އޭޕްރީލްގައި މި ކޮންޓްރެޓްގައި ސޮއިކޮށްފައިވާއިރު، ކޮންޓަރެޓްގެ މުއްދަތަކީ 490 ދުވަހެވެ. މި ކޮންޓްރެކްޓަކީ 98،330،536.18 (ނުވަދިހަ އަށް މިލިއަން ތިރީސް ތިންހާސް ފަސްސަތޭކަ ތިރީސް ހަ ރުފިޔާ އަށާރަ ލާރި)ގެ މަޝްރޫއެކެވެ.
ރޯޑް ޑިވެލޮޕްމަންޓް ކޯޕަރޭޝަންގެ ދަށުން ކުރިއަށް ގެންދާ މި މަޝްރޫއުގެ ދަށުން، މަގުގައި 5 ކިލޯމީޓަރަށް ތާރުއެޅުމާއި މަގުތަކުގައި ފެންހިންދާ ނިޒާމް ގާއިމްކުރުމާއި، ތާރުއަޅައިގެން ހަދާފައިވާ މަގުތައް ރީސަރފޭސް ކުރުމާއި، މަގުތަކުގައި ބައްތިޖެހުން ހިމެނެއެވެ.
މި މަސައްކަތުގެ އެއްބަސްވުމުގައި މިނިސްޓްރީ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާންސްޓްރަކްޗަރގެ ފަރާތުން ސޮއިކުރެއްވީ ޕަރމަނަންޓް ސެކްރެޓަރީ ޒީނިޔާ އަހުމަދު ހަމީދުއެވެ. ރޯޑް ޑިވެލޮޕްމެންޓް ކޯޕަރޭޝަންގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ މޫސާ އަލީ މަނިކެވެ.
