ހއ. ދިއްދޫގެ މަގުހެދުމުގެ ދެވަނަ ފިޔަވަހީގެ މަސައްކަތް ރޯޑް ޑިވެލޮޕްމެންޓް ކޯޕަރޭޝަން (އާރުޑީސީ)އާ ހަވާލުކޮށްފިއެވެ.

މި މަސައްކަތް އާރުޑީސީއާ ހަވާލުކުރުމުގެ އެއްބަސްވުމުގައި މިނިސްޓްރީ އޮފް ނޭޝަނަލް ޕްލޭނިންގ ހައުސިން އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ޕަރމަނަންޓް ސެކެޓްރީ ޒީނިޔާ އަހުމަދު ހަމީދެވެ. އާރުޑީސީގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރ މޫސާ އަލީ މަނިކެވެ.

ޑިޒައިން އެންޑް ބިލްޑް އުސޫލުން އާރުޑީސީއާ ހަވާލުކޮށްފައިވާ މި މަސައްކަތުގެ ތެރެއިން، 5.4 ކިލޯމީޓަރުގެ މަގުގައި ތާރުއެޅުމާއި، މަގުތަކުގައި ފެންހިންދާ ނިޒާމު ގާއިމްކުރުމާއި، މަގުތަކުގައި މަގުބައްތި ޖެހުމުގެ މަސައްކަތް ހިމެނެއެވެ.

މިއީ 108،530،091.37ރ. (ސަތޭކަ އަށް މިލިއަން ފަސްލައްކަ ތިރީސްހާސް ނުވަދިހަ އެއްރުފިޔާ ތިރީސް ހަތްލާރި)އަށް ހަވާލުކޮށްފައިވާ މަސައްކަތެކެވެ. މި މަސައްކަތް 540 ދުވަހުގެ ތެރޭގައި ނިންމަންޖެހެއެވެ.