43 ބިލިއަން ޑޮލަރަށް ޓްވިޓަރ ގަންނަން އީލޮން މަސްކް ހުށަހަޅައިފިއެވެ.
ބިލިއަނަރު, އީލޮން މަސްކް ޓްވިޓަރ ގަންނަން ހުށަހަޅާފައިވަނީ ބުރާސްފަތި ދުވަހުއެވެ.
ޓްވިޓަރ ގަންނަން އޭނާ ހުށަހަޅާފައި ވަނީ ޓްވިޓަރއަކީ ޕްރައިވެޓް ކުންފުންޏަކަށް ހަދައި, އެ ޕްލެޓްފޯމްގެ ބޭނުން އެންމެ ރަނގަޅު ގޮތުގައި ހިފުމުގެ ފުރުސަތު އާންމުންނަށް ދިނުމުގެ ބޭނުމުގައިކަމަށް ބުނެއެވެ. އެގޮތުން ޓްވިޓަރއަކީ ހުރިހާ އެންމެންނަށްވެސް ޚިޔާލު ފާޅުކުރަން ބޭނުން ކުރެވޭނެ ޕްލެޓްފޯމަކަށް ވާންޖެހޭކަމަށް ވަނީ ބުނެފައެވެ.
މަސްކް ވަނީ ޓްވިޓަރގެ ފުލް ޕޮޓެންޝަލް އޭނާ ދައްކައިދޭނެކަމަށް ބުނެފައެވެ.
އީލޮން މަސްކަކީ މިހާރުވެެސް ދެ ވަނައަށް ޓްވިޓަރގެ އެންމެ ގިނަ ހިއްސާ އޮންނަ ފަރާތެއެވެ. ފޯބްސްގެ އެންމެ ފަހުގެ ތަފާސްހިސާބުތައް ދައްކާގޮތުން އޭނާއަކީ ދުނިޔޭގެ އެންމެ މުއްސަނދި މީހާއެވެ.
ޓްވިޓަރއިން އެކުންފުނީގެ ޑިރެކްޓަރުންގެ ބޯޑަށް ގުޅުމުގެ ފުރުސަތު މިހަފުތާގައި އީލޮން މަސްކަށް ހުށަހެޅިނަމަވެސް އޭނާ ވަނީ އެކަމަށް ނޫނެކޭބުނެފައެވެ. އަދި ބުރާސްފަތި ދުވަހު އޭނާ މިވަނީ އެކުންފުނި ގަންނަށް ހުށަހަޅާފައެވެ. އެނަލިސްޓުން ފާހަގަކުރާ ގޮތުގައި ބޯޑުން ގޮނޑިއެއް އިޚުތިޔާރުކުރިނަމަ މަސްކްގެ ހިއްސާގެ އަދަދު 15 އިންސައްތައަށް ދަށަށްދާނެއެވެ.
ރިޕޯޓުތައް ބުނާގޮތުން މަސްކް ވަނީ މިއީ އޭނާ ޓްވިޓަރއަށް ހުށަހަޅާ އެންމެ ރަނގަޅު އަދި އެންމެ ފަހު އޮފަރކަމަށް ބުނެފައެވެ. އަދި މި އޮފަރ ޓްވިޓަރުން ރިޖެކްޓްކޮށްފިނަމަ، އެކުންފުންޏަށް އޭނާ ކުރަމުން އަންނަ އިންވެސްޓްމެންޓްތަކާމެދު އިތުރު ނިންމުމަކަށް ދާން ޖެހޭނެ ކަމަށް ބުނެފައިވެއެވެ.
