ކަނަމަދު ޕުޑިން

ޕުޑިން އަކީ ދިވެހިންގެ މެދުގައި މަގުބޫލު ފޮނި ކާއެއްޗެކެވެ. ތަފާތު އެކި ބާވަތް ބާވަތުގެ މޭވާ އާއި ތަރުކާރީ ބޭނުންކޮށްގެން ވެސް މިހާރު ޕުޑިން އަޅައެވެ.

އެންމެ ފުރަތަމަ ބިސް، ގެރިކިރު، އަދި ވެނީލާ އަޅައިގެން ހޭންޑް މިކްސަރަކުން ރަނގަޅަށް ގިރާލާށެވެ. އެއަފަހު ކުރިން ފުނޑުކޮށްފައި ހުރި ކަނަމަދު އަޅާލުމަށް ފަހު ގިރާލާށެވެ. ދެން ކެރަމަލްކޮޅު ހެދުމަށް ޓްރޭއެއް ނުވަތަ ތެއްޔަކަށް ހަކުރު ކޮޅު އެޅުމަށްފަހު ކުޑަ ފެންފޮދެއް އަޅާ މުށި ކުލަ އަރަންދެން ކައްކާލާށެވެ. އެއަށްފަހު ހިހޫކޮށްލަން ބަހައްޓާށެވެ.

ޕުންޑިން ތައްޔާރުކޮށްލުމަށް ގިރާލި ބައި ޓްރޭއަށް އަޅާލުމަށްފަހު އާވިން ކައްކާލާށެވެ. ގިނަ މީހުން މިހާރު ބޭނުން ކުރަނީ އަވަނެވެ. ނަމަވެސް އަވަނުގައި ޕުޑިން ފިހުމަށް ވުރެ ބޮޑަށް ރަނގަޅީ ޓްރޭއަށް ވުރެ ބޮޑު ތެއްޔަކަށް ފެން އެޅުމަށްފަހު، ޓްރޭ ތެލީގެ ތެރޭގައި ބަހައްޓައިގެން އާވިން ކައްކާލުމެވެ. މި ގޮތަށް ކައްކާއިރު ޓްރޭގެ ތެރެއަށް ފެން ނުވަންނާނެ ހެން ބަހައްޓަން ވާނެއެވެ. މިގޮތަށް 30 ނުވަތަ 40 މިނިޓް ވަންދެން ކައްކާލީމަ ހުންނާނީ ރަނގަޅަށެވެ.