ހުޅުމާލޭ އިމާރާތަކުން ވެއްޓުނު ކުއްޖާ ނިޔާވެއްޖެ
މި ޙާދިސާއާއި ގުޅިގެން ބަލަންޖެހޭ ކަންކަން ފުލުހުން ގެންދަނީ ބަލަމުން
ހުޅުމާލެ ހޮސްޕިޓަލް- އެ ކުއްޖާއަށް ހުޅުމާލޭ ހޮސްޕިޓަލުގައި ފަރުވާދެމުން ދަނިކޮށް، ނިޔާވެފައިވާކަމަށް ޑޮކްޓަރުންނާއި ޙަވާލާދީ ފުލުހުން ބުނޭ
ހުޅުމާލޭގެ އިމާރާތަކުން ވެއްޓުނު ކުޑަކުއްޖާ ނިޔާވެއްޖެއެވެ.
ފުލުހުން ބުނީ، އެ ކުއްޖާ ވެއްޓިފައިވަނީ ހުޅުމާލޭ ފޭސް 1 ގެ ޕިކްޕޯސްޓް ކައިރީގައި ހުރި ގެއެއްގެ 5 ވަނަ ފަންގިފިލާއިން ކަމަށެވެ. އެ ޙާދިސާގެ ރިޕޯޓު ފުލުހުންނަށް ލިބިފައިވަނީ އާދިއްތަ ދުވަހުގެ ރޭ 00:30 ހާއިރުކަމަށް ފުލުހުން މައުލޫމާތު ދެއެވެ.
ފުލުހުން މައުލޫމާތު ދޭ ގޮތުގައި އެއީ 4 އަހަރުގެ އަންހެން ކުއްޖެކެވެ. އެ ކުއްޖާއަށް ހުޅުމާލޭ ހޮސްޕިޓަލުގައި ފަރުވާދެމުން ދަނިކޮށް، ނިޔާވެފައިވާކަމަށް ޑޮކްޓަރުންނާއި ޙަވާލާދީ ފުލުހުން ބުނެއެވެ.
މި ޙާދިސާއާއި ގުޅިގެން ބަލަންޖެހޭ ކަންކަން ފުލުހުން ގެންދަނީ ބަލަމުންނެވެ.
