ރަޝިޔާގެ ޓޭންކަރުތައް ޔޫކްރެއިނަށް ދިނުމަށް އެމެރިކާއިން ދަނީ މަސައްކަތްކުރަމުން
ޔޫކްރެއިނަށް ދިނުމަށް ހަމަޖެހިފައި ވަނީ ކިތައް ޓޭންކަރުތޯއާއި އެއީ ކޮން ގައުމުތަކަކުން ފޯރުކޮށްދޭން ނިންމި ޓޭންކަރުތަކެއް ކަމެއް ހާމައެއްނުކުރޭ
ޔޫކްރެއިންގައި ކުރިއަށްދާ ހަނގުރާމައިގެ ތެރެއިން، މެރިޕޯލް ސިޓީ
ރަޝިޔާގެ ޓޭންކަރުތައް ޔޫކްރެއިނަށް ދިނުމަށް މަސައްކަތްކުރާނެކަމަށް އެމެރިކާއިން ބުނެފިއެވެ.
އެމެރިކާ ސަރުކާރުގެ އޮފިޝަލަކާ ހަވާލާދީ ނިއު ޔޯރކް ޓައިމްސްގައި ރިޕޯޓުކޮށްފައިވާގޮތުން, އެމެރިކާއިން ދަނީ ރަޝިޔާގެ އަސްކަރީ ޓޭންކަރުތައް ޔޫކްރެއިނަށް ފޯރުކޮށް ދިނުމަށް ހުޅަނގުގެ ގައުމުތަކާއެކު މަސައްކަތްކުރަމުންނެވެ. މިއީ ޑޮންބަސް ސަރަހައްދުގައި ކުރިއަށްދާ ހަމަލާބަދަލުކުރުންތަކުގައި ޔޫކްރެއިން ސިފައިނަށް އެހީވުމަށް ކުރާކަމެއްކަމަށް އެ ނޫހުގައި ރިޕޯޓުކޮށްފައިވެއެވެ.
އެމެރިކާގެ އޮފިޝަލް ވަނީ ޔޫކްރެއިންގެ ރައީސް ވޮލޮޑިމީރް ޒެލެންސްކީގެ އެދުމުގެ މަތިން އެގައުމަށް ޓޭންކަރުތައް ފޯރުކޮށްދިނުމުގެ މަސައްކަތް ވަރަށް އަވަހަށް ފެށޭނެކަމަށް ނިއު ޔޯރކް ޓައިމްސްގައި ވިދާޅުވެފައެވެ. ޔޫކްރެއިނަށް ދިނުމަށް ހަމަޖެހިފައި ވަނީ ކިތައް ޓޭންކަރުތޯއާއި އެއީ ކޮން ގައުމުތަކަކުން ފޯރުކޮށްދޭން ނިންމި ޓޭންކަރުތަކެއް ކަމަށް އޮފިޝަލު ހާމައެއް ނުކުރައްވައެވެ.
ނިއު ޔޯރކް ޓައިމްސްގައި ރިޕޯޓުކޮށްފައިވާގޮތުން ޔޫކްރެއިނަށް މި ޓޭންކަރުތައް ލިބިއްޖެނަމަ ރަޝިޔާއާ ދެކޮޅަށް ދުރު ހަމަލާތައް ދިނުމުގެ ގާބިލުކަން ޔޫކްރެއިން އަސްކަރިއްޔާގެ އިތުރުވާނެއެވެ. އަދި މި ޓޭންކަރުތައް ޔޫކްރެއިނަށް ފޯރުކޮށްދިނުން ވެގެންދާނީ މި ހަނގުރާމާގައި އެމެރިކާއިން ޔޫކްރެއިނަށް މިގޮތަށް އެހީވާ ފުރަތަމަ ފަހަރަށް ކަމަސްވެސް ނިއު ޔޯކް ޓައިމްސްގައި ވަނީ ލިޔެފައެވެ.
މިކަމާ ގުޅިގެން ރޮއިޓަރސްއިން ޕެންޓަގަންގެ ބަހެއް ހޯދުމަށް މަސައްކަތްކުރި ނަމަވެސް އެ އިދާރާގެ ބަހެއް ލިބޭގޮތް ވެފައި ނުވާކަމަށް އެނޫހުން ބުނެއެވެ.
