އާރުއޯއެލްގެ އިންޓަނެޓް ހިދުމަތް ހަމައަކަށް އެޅެން 72 ގަޑިއިރު ނަގާނެ
6 ޖޫން 2017 | އަންގާރަ 21:39ސަބްމެރިން ކޭބަލް ވަނީ އެއްކޮށް ހަލާކުވެފައި
އާރްއޯއެލްގެ މާރކެޓިން އެންޑް ޕަބްލިކް ރިލޭޝަންސް މެނޭޖަރ މަނާލް ލަތީފް
އިންޑިޔާގެ ޓްރިވެންޓްރަމް ހިސާބުގައި އަޅާފައިވާ އާރްއޯއެލް ސަބްމެރިން ކޭބަލްއަށް ދިމާވި މައްސަލައަކާއި ގުޅިގެން އިންޓަރނެޓްގެ ހިދުމަތަށް ބުރޫ އަރާފައިވާ ކަމަށް އެކުންފުނިން ބުނެފިއެވެ.
ރާއްޖެއެމްވީއަށް މައުލޫމާތުދެމުން އާރްއޯއެލްގެ މާރކެޓިން އެންޑް ޕަބްލިކް ރިލޭޝަންސް މެނޭޖަރ މަނާލް ލަތީފް ވިދާޅުވީ އަންގާރަ ދުވަހުގެ ހެނދުނުގެ ވަގުތެއްގައި ސަބްމެރިން ކޭބަލް އެއްކޮށް ހަލާކުވެފައިވާ ކަމަށާއި މިފަދަ މައްސަލަތައް ހައްލު ކުރުމަށް އެންމެ ލަސްވެގެންވެސް 72 ގަޑިއިރު ހޭދަވާނެ ކަމަށެވެ.
އެހެންކަމުން މިވަގުތު އިންޓރަނެޓް ހިދުމަތް ދެމުންދަނީ ބެކަޕް ލައިން މެދެވެރިކޮށް ކަމަށާއި ފުލް ސްޕީޑުގައި އިންޓަރނެޓްގެ ހިދުމަތް ލިބުމުގައި ކަސްޓަމަރުންނަށް ދަތިތަކާއި ކުރިމަތިލާންޖެހިދާނެ ކަމަށް މަނާލް ވިދާޅުވި އެވެ.
ހިދުމަތް އަޕްގްރޭޑްވަމުންދާ ވަރު އާރްއޯއެލްގެ ސޯޝަލް މީޑިޔާ އަދި ކަސްޓަމަރ ސަރވިސް މެދުވެރިކޮށް ކަސްޓަމަރުންނާއި ހަމައަށް ފޯރުކޮށްދެމުންދާނެ ކަމަށްވެސް އޭނާ ވިދާޅުވި އެވެ.
މިފަދަ ބޮޑު މައްސަލައެއް އިންޓަރނެއްޓަށް ދިމާވުމުން ކަސްޓަމަރުންގެ އަރިހުން އެކުންފުނިން ވަނީ މަޢާފަށް އެދިފައެވެ.
