ރައީސް ފުވައްމުލައް ސިޓީއަށް ވަޑައިގެންފި
25 މާރިޗު 2022 | ހުކުރު 12:10މި ދަތުރުފުޅުގައި ފުވައްމުލައް ސިޓީ ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމެޓީއާއި ބައްދަލުކުރައްވާނެ
ރައީސް ސޯލިހު ފުވައްމުލައް ސިޓީއަށް ވަޑައިގަތުމުން އެމަނިކުފާނަށް މަރުހަބާ ދަންނަވަނީ
ރައީސުލްޖުމްހޫރިއްޔާ އިބްރާހިމް މުޙައްމަދު ސޯލިޙު ފުވައްމުލަކު ސިޓީއަށް ވަޑައިގެންފިއެވެ.
އެމަނިކުފާނު ފުވައްމުލަކަށް ވަޑައިގަތުމުން އެ ރަށުގެ ރައްޔިތުން ވަނީ ހޫނު މަރުހަބާއެއް ދަންނަވާފައެވެ.
ރައީސްގެ މި ދަތުރުފުޅުގައި ފުވައްމުލައް ސިޓީ ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމެޓީ އާއި ބައްދަލުކުރައްވާނެއެވެ. މީގެއިތުރުން ރައީސުލްޖުމްހޫރިއްޔާގެ ދެކަނބަލުން ފުވައްމުލައް ސިޓީގެ ހޮސްޕިޓަލަށް ޒިޔާރަތް ކުރައްވާ، ހޮސްޕިޓަލުގެ ހާލަތު ބައްލަވާލައްވާނެއެވެ.
ފުވައްމުލައް ސިޓީގެ މަގު ހެދުމުގެ މަސައްކަތް ކުރިއަށްދާ ގޮތާއި ގިރާ ސަރަހައްދުގެ އިތުރުން ބަނދަރުގެ ސަރަހައްދު ބައްލަވާލެއްވުމަށް ވެސް ވަނީ ހަމަޖެހިފައެވެ.
ރައީސްގެ މިދަތުރުފުޅުގައި އައްޑޫސިޓީއަށް ވެސް ވަޑައިގަތުމަށް ވަނީ ހަމަޖެހިފައެވެ. މާރޗް 25 އިން 28 ރައީސުލްޖުމްހޫރިއްޔާ ފުވައްމުލަކާއި އައްޑޫސިޓީއަށް ކުރައްވާ މި ދަތުރުފުޅު ނިންމަވާލެއްވުމަށްފަހު އެނބުރި މާލެ ވަޑައިގަންނަވާނީ 28 ވަނަ ދުވަހުކަމަށްވެސް ރައީސް އޮފީހުން މައުލޫމާތުދެއެވެ.
