ޔޫކްރެއިންގެ އެންމެ ބޮޑު އެއް މާރުކޭޓްގައި ބޮޑު އަލިފާނުގެ ހާދިސާއެއް

ރަޝިޔާއިން ދެމުންދާ ހަމަލާތަކުގައި ކަރްކިވްގެ ބަރަބަޝޯވޯ މާރުކޭޓްގައި އަލިފާން ރޯވެއްޖެއެވެ.

އަލިފާން ރޯވިތާ ފަސްގަޑިއިރުވީއިރު މުޅި މަރުކޭޓް ސަރަހައްދަށް އަލިފާންގަނޑު ފެތުރި، އެތަނާ ކައިރި ހިސާބުތަކުގައި ހުރި ގެތަކަށްވެސްވަނީ އަލިފާނުގެ އަސަރުކޮށްފައެވެ.

އަލިފާން ނިއްވުމަށް މަސައްކަތް ކުރަމުން އަންނައިރު، ރަޝިޔާ ހަނގުރާމަވެރިންގެ ހަމަލާތައް ހުއްޓުމެއްނެތި އަންނަ ކަމަށާއި، އަލިފާން ނިއްވުމުގައި ހަރަކާތްތެރިވާ މީހަކު މަރުވެފައިވާ ކަމަށް ރިޕޯޓުތައް ބުނެއެވެ. އަދި އެތައް ބަޔަކަށް އަނިޔާވެ ހޮސްޕިޓަލުގައި އަންނަނީ ފަރުވާ ދެމުންނެވެ.

މިއީ އިރުމަތީ ޔޫރަޕްގެ އެންމެ ބޮޑު މާރުކޭޓްތަކުގެ ތެރޭގައި ހިމެނޭ ތަނެކެވެ.