ކ. މާލެ
|
6 ޖޫން 2017 | އަންގާރަ 01:09
ގައުމީ ޓީމުގެ ކޯޗު ޑަރެން ސްޓެވާޓް
ގައުމީ ޓީމުގެ ކޯޗު ޑަރެން ސްޓެވާޓް
މިހާރު
ގައުމީ ޓީމު
ފަލަސްތީން މެޗަށްވުރެ ކުޅުންތެރިން ފިޓް، އަފްޣާން މެޗު މުހިއްމު: ގައުމީ ކޯޗު
 
އަފްއާނިސްތާން ފްރެންޑްލީ މެޗުން ބޫޓާން މެޗަށް ފައިދާތަކެއް ކުރާނެ
 
އަހުމަދު ރަޝީދު އަދި އަކްރަމް އަބްދުލް ޢަނީ ވަނީ މޮޅު ކުޅުމެއް ދައްކާފައި

އޭއެފްސީ އޭޝިއަން ކަޕް ކޮލިފައިންގައި ފަލަސްތީން އަތުން އަމިއްލަ ދަނޑުގައި 0-2 ގެ ނަތިޖާއިން ރާއްޖެ ބަލިވި މެޗަށްވުރެ މިހާރު ކުޅުންތެރިން ފިޓްވެފައިވާ ކަމަށާއި، އަފްޣާނިސްތާނާ ދެކޮޅަށް ކުޅޭ ރަހްމަތްތެރިކަމުގެ މެޗުވެސް މުހިންމުކަމަށް ގައުމީ ޓީމުގެ ކޯޗު ޑަރެން ސްޓެވާޓް ބުނެފިއެވެ.

އަފްޣާނިސްތާނާ ދެކޮޅަށް ރަހުމަތްތެރިކަމުގެ މެޗެއް ކުޅުމަށް ދުބާއީއަށް ގައުމީ ޓީމު ފުރުމުގެ ކުރިން ނޫސްވެރިންނަށް މައުލޫމާތު ދެމުން ސްޓެވާޓް ބުނީ ބޫޓާނާ ދެކޮޅަށް ކުޅޭ ކޮލިފައިންގ މެޗުގެ ކުރިން އަފްޣާނިސްތާނާ ދެކޮޅަށް ކުޅޭ ރަހުމަތްތެރިކަމުގެ މެޗުން ޓީމަށް ފައިދާތަކެއް ލިބޭނެ ކަމަށާއި، އެގޮތުން މި ފުރުސަތުގެ ބޭނުންތައް ރަނގަޅުގޮތުގައި ހިފާނެކަމަށްވެސް އޭނާ ވަނީ ބުނެފައެވެ.

ސްޓެވާޓް ބުނީ ގައުމީ ޓީމުގެ ފަރިތަކުރުންތައް ފެށިއިރު، އޭއެފްސީ ކަޕްގައި ކުޅުމަށް މާޒިޔާ ސްޕޯޓްސް އެންޑް ރެކްރިއޭޝަނާއެކު ގައުމީ ޓީމުގެ 8 ކުޅުންތެރިން ދަތުރުކުރުމުން އުނދަގޫތަކެއް ކުރިމަތިވި ކަމަށެވެ. އެހެންނަމަވެސް އޭނާ ބުނީ މާޒިޔާ ކުޅުންތެރިން މުބާރާތުގައި ރަނގަޅު ކުޅުމެއް ދައްކާފައިވާ ކަމަށާއި، މީގެ ސަބަބުން ރާއްޖޭގެ ފުޓުބޯޅައަށް ރަނގަޅު އަސަރުތަކެއް ކުރާނެ ކަމަށެވެ.

ނިއުރޭޑިއަންޓް ސްޕޯޓްސް ކްލަބަށް ކުޅެމުން އަންނަ އަކުރަމް އަބްދުލް ޣަނީއަށް ތައުރީފް ކުރަމުން ސްޓެވާޓް ބުނީ ފަލަސްތީން މެޗަށްފަހު އޭނާގެ ކުޅުމާމެދު ވަރަށް ހިތްހަމަޖެހޭ ކަމަށާއި، އެ މެޗަށްފަހު މާލޭ ލީގުގައި ހުރިހާ މެޗެއް ކަހަލަގޮތަކަށް އޭނާ ކުޅެފައިވާކަމަށެވެ. މީގެއިތުރުން އަކުރަމް އަކީ އެއްކޮށް މަސައްކަތްކުރަންވެސް ފަސޭހަ ކުޅުންތެރިއެއްކަމަށް އޭނާ ވަނީ ބުނެފައެވެ.

ސްކޮޑަށް އަލަށް ނެގި އަހުމަދު ރަޝީދާ ބެހޭގޮތުން ސްޓެވާޓް ބުނީ އޭނާ އަކީ ވެސް ރަނގަޅު ފޯވާޑެއް ކަމަށާއި، ލަނޑު ޖެހުމަށް ޕެނަލްޓީ ބޮކްސް ތެރެއަށްވަދެ އަބަދުވެސް ލަނޑު ޖެހުމަށް އަހުމަދު ރަޝީދު މަސައްކަތްކުރާ ކަމަށެވެ.

މީގެއިތުރުން ސްޓެވާޓް ބުނީ ސްކޮޑަށް ކުޅުންތެރިން ނަގަނީ ކޯޗިން ސްޓާފާ މަޝްވަރާކުރުމަށްފަހު ކަމަށާއި، ކުޅުންތެރިން ނަގާއިރު ވަރަށް ގިނަ ގޮތްގޮތަށް ބަލާކަމަށެވެ. އެގޮތުން އޭނާ ބުނީ ސްކޮޑަށް ނަގާފައި ތިބި 23 ކުޅުންތެރިންނަކީ މެޗުތަކުގައި ރަނގަޅު ކުޅުން ދައްކާފައި ތިބި ކުޅުންތެރިން ކަމަށެވެ.

އޭއެފްސީ އޭޝިއަން ކަޕް ކޮލިފައިންގެ ގްރޫޕް ސްޓޭޖުގައި ބޫޓާނާ ދެކޮޅަށް ރަށުން ބޭރުގައި ކުޅޭ މެޗަށް ތައްޔާރުވުމުގެ ގޮތުން ގައުމީ ޓީމު ކުޅޭ ރަހްމަތްތެރިކަމުގެ މެޗަށްފަހު ދެން އެޓީމު ފުރާނީ ތައިލޭންޑްގެ ބެންގކޮކަށެވެ. އެގޮތުން ބެންގކޮކުގައި ހަދާ ތަމްރީންތަކަށްފަހު ރާއްޖެއަށް ނައިސް، ދެން ގައުމީ ޓީމު އެނބުރި ދާނީ ބޫޓާނަށް ކަމަށް އެފްއޭއެމް އިން ބުނެއެވެ. ރާއްޖެ ބޫޓާނާ ދެކޮޅަށް ކޮލިފައިން މެޗު ކުޅުމަށް ހަމަޖެހިފައިވަނީ މި މަހު 12 ގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިސްމާއިލް ނާއިލް ނަޝީދު
0%
0%
0%
0%
0%
0%
ކޮމެންޓް
ގުޅުންހުރި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި
ގެދޮރުވެރިކަމަށް ބޭނުންޖެހިފައިވާ ދިވެހި ސިފައިންނަށް ގެދޮރުވެރިކަން ޔަގީންކޮށްދޭނަން: ރައީސް މުއިއްޒު