ޤަތަރާ ގުޅުން ކަނޑާލުމަކީ ރައްޔިތުންނަށް ގެއްލުންދިނުމަށް ގައުމީ ރޫހާހިލާފަށްކުރި ކަމެއް: އެމްޑީޕީ

ދިވެހިރާއްޖެއާ ގަތަރާއި ދެމެދު އޮތް ގުޅުން ދިވެހި ރާއްޖެއިން ކަނޑާލުމަށް ނިންމި ނިންމުމަކީ ދިވެހި ރައްޔިތުންނަށް ގެއްލުންދީ ގައުމީ ރޫހާހިލާފަށް ކުރި ކަމެއް ކަމަށާއި އެކަން ކުށްވެރިކުރާ ކަމަށް އެމްޑީޕީ އިން ބުނެފިއެވެ.

ދިވެހި ސަރުކާރުން ޤަތަރާއެކު ގުޅުން ކަނޑާލަން ނިންމީ އަރަބި ގައުމަކުން ޓެރަރިޒަމްއަށް ހިއްވަރުދޭ ކަމަށް ބުނެ ގަތަރާ ގުޅުން ކަނޑާލިތާ ގަޑިއިރުތަކެއް ތެރޭގައެވެ.

އެމްޑީޕީގެ އެބަޔާނުގައި ބުނެފައިވާ ގޮތުގައި ދިވެހި އެތައް ވިޔަފާރިވެރިން ގަތަރު ކުންފުނިތަކާއެކު މުއަމަލާތް ކުރުމުންދާ މިދަނޑިވަޅުގައި މިނިންމުމުގެ ސަބަބުން ދިވެހި ރައްޔިތުންނަ އެތަކެއް ގެންލުން ތަކެއްވާނެކަމަށް ބެލެވޭ ކަމަށާއި އަދި މިކަމުގެ ސަބަބުން މިދެގައުމުގެ ދޭތެރޭ ދަތުރު ފަތުރު ކުރުމަށް އަންނަ ކޮންމެ ހުރަހަކީ ދިވެހި ފަތުރުވެރިކަމަށް ލިބޭނެ ގެއްލުމެއް ކަމަށް ވެސް ބެލެވޭ ކަމަށެވެ.

އެނިންމުމަކީ ރާއްޖެއިން އިރާނާއި ގުޅުން ކަނޑާލާ ކޮމަންވެލްތުން ބޭރުވިފަދައިން ދިވެހި އާންމު ފަރުދުންގެ ހާލަތަށް ވިސްނުމެއް ނެތި ނިންމައިފާވައި ނިންމުމެއް ކަމަށާއި މިއީ ރައީސް އަބްދުﷲ ޔާމިންގެ ފަރުވާކުޑަ ހާރިޖީ ސިޔާސަތުތަކުގެ ތެރެއިން އިސްވެގެންވާ ސިޔާސަތެއް ކަމަށް އެމްޑީޕީން ބުނެފައިވެއެވެ. އަދި ފެންނަ ފެނުމުގައި އެއީ ސައުދީ އަރަބިއްޔާގެ ފައިބުޑުން ނިންމައިފައި ނިންމުމެއް ކަމަށްވެސް އެމްޑީޕީން ބުނެފައިވެއެވެ.

އެމްޑީޕީން ބުނީ 33 އަހަރުގެ ދިގު ގުޅުން އެކީ ކަނޑާލުމުގެ ސަބަބުން ބައިނަލް އަގްވާމީ މުޖްތަމައުގައި ރާއްޖޭގެ އަގުވެއްޓި އިގްތިސާދު ފަގީރު ވެގެންދާނެ ކަމަށެވެ.

އެމްޑީޕީން ބުނީ ދިވެހި ރާއްޖޭގެ ސިޔާސަތުތައް ވިއްކާ ނުލުމަށް ރައީސް ޔާމީންއަށް އިލްތިމާސް ކުރަން ކަމަށެވެ.