ހެނދުނުގެ ވަގުތެެއްގައި އީމާން ނިޔާވެއްޖެ
އެކްސިޑެންޓްގައި އީމާންގެ ބޮލަށް ބޮޑެތި ގެއްލުންތަކެއް ވަނީ ލިބިފައި
ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި އަނިޔާ ލިބުނު މާލެ ސިޓީ ވިލިމާލެ ދާއިރާގެ ކައުންސިލްގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެމްބަރު އައިމިނަތު އީމާން
ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި އަނިޔާ ލިބުނު މާލެ ސިޓީ ވިލިމާލެ ދާއިރާގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެމްބަރު އައިމިނަތު އީމާން ނިޔާވެފައިވާކަމަށް އޭޑީކޭ ހޮސްޕިޓަލުން ބުނެފިއެވެ.
އޭޑީކޭގެ މެނޭޖިންގ ޑިރެކްޓަރ އަހުމަދު އައްފާލް ރާއްޖެއެމްވީއަށް މައުލޫމާތު ދެއްވަމުން ވިދާޅުވީ، އީމާން ނިޔާވެފައިވަނީ އަންގާރަ ދުވަހުގެ ހެނދުނު 07:42 ހާއިރު ކަމަށެވެ.
އިމާން އެކްސިޑެންޓުވެފައިވަނީ ހުޅުމާލޭ ކުރެދިމާ ހިނގުމުގައެވެ. އެކްސިޑެންޓަށްފަހު އޭނާ ފުރަތަމަ ގެންދިޔައީ ހުޅުމާލެ ހޮސްޕިޓަލަށްކަމަށް މައުލޫމާތު ލިބެއެވެ. އަދި އިތުރު ފަރުވާއަށް އޭޑީކޭއަށް ގެންދިޔައީ އެރޭގެ ވަގުތެއްގައެވެ.
އެކްސިޑެންޓްގައި އީމާންގެ ބޮލަށް ބޮޑެތި ގެއްލުންތަކެއް ވަނީ ލިބިފައެވެ.
