ލަންޑަން ބްރިޖުގައި ވޭނަކުން މީހުންގައިގައި ޖައްސައިގެން ހަމަލާ ދީފި
ލަންޑަން ބްރިޖް ބަންދުކޮށްފައިވާއިރު، ފުލުހުން އަންނަނީ ހަތިޔާރާއެކު ހަރަކާތްތެރިވަމުން
ލަންޑަން ބްރިޖް ބަންދުކޮށް ފުލުހުން ފޯރިމަރަނީ
ލަންޑަން ބްރިޖުގައި ވޭނަކުން މީހުންގައިގައި ޖައްސައިގެން ހަމަލާ ދިފި ކަމަށް ރިޕޯޓްތައް ބުނެފި އެވެ.
ރިޕޯޓްތައް ބުނާގޮތުގައި ސެންޓްރަލް ލަންޑަންގައި ދިން މި ހަމަލާތަކުގައި ބައެއް މީހުން ވަނީ ޒަހަމްވެފަ ކަމަށާއި، ޒަހަމްވި މީހުންނަށް ފަރުވާދެމުން އަންނަ ކަމަށެވެ. އެހެންނަމަވެސް އެއްވެސް މީހަކު މަރުވިކަމެއް އަދި ކަށަވަރެއް ނުވެއެވެ.
ބީބީސީއާ ވާހަކަ ދައްކަމުން މަންޒަރު ދުށް ފަރާތަކުން ބުނީ މަގުމަތިން ދުއްވާފައިދިޔަ ހުދު ކުލައިގެ ވޭނެއް ކުއްލިއަކަށް ޕޭވްމެންޓާ ދިމާލަށް ދުއްވާފައިދިޔަ ކަމަށާއި، ބާރު ސްޕީޑުގައި ދިޔަ އެ ވޭނުން ވަނީ އެތައް ބަޔެއް ގައިގައި ޖައްސާފަކަމަށެވެ.
މަންޒަރު ދުށް އިތުރު ފަރާތަކުން ބީބީސީއަށް މައުލޫމާތު ދެމުން ބުނީ އެ ވޭން ދުއްވާފައިދިޔައީ ސެންޓްރަލް ލަންޑަން އިން "ރިވާ" ގެ ދެކުނު ފަރާތަށެވެ. ފިރިހެނެއް ހައްޔަރުކުރިތަންވެސް ފެނިފައިވާކަމަށް އެނާ ވަނީ ބުނެފައެވެ. އޭނާ ބުނީ ބިޑިއަޅުވައިގެން ހައްޔަރުކުރި މީހާ ހުރީ މަތިން އެއްވެސް އެއްޗެއް ނުލާކަމަށެވެ.
ހައި ސެކިއުރިޓީއާއެކު ލަންޑަން ބްރިޖް މިހާރު ބަންދުކޮށްފައިވާއިރު، ގިނަ އަދަދެއްގެ ފުލުހުން ހަތިޔާރާއެކު ދަނީ އެ ސަރަހައްދުގައި ހަރަކާތްތެރިވަމުންނެވެ.
