ލަންޑަންގައި ދިން ޓެރެރިސްޓް ހަމަަލާގައި ހަ މީހުން މަރުވެ މަދުވެގެން 48 މީހުން ޒަޚަމްވެއްޖެ

ލަންޑަންގައި ދިން ޓެރެރިސްޓް ހަމަަލާގައި ހަ މީހުން މަރުވެ މަދުވެގެން 48 މީހުން ޒަޚަމްވެއްޖެއެވެ.

ހަމަލާދިނުމުގައި ބައިވެރިވި ތިން ފިރެހެނަކު ފުލުހުންވަނީ ބަޑިޖަހާ މަރާލާފައެވެ.

ހުދު ކުލައިގެ ވޭނެއްވަނީ ހޮނިހިރު ދުވަހު ލަންޑަނުގަޑިން 22:00 ހާއިރު ލަންޑަން ބްރިޖްގައި ހިނގާފައިދިޔަ ބައެއްގެ ގައިގައި ޖައްސާފައެވެ. އޭގެ ކުރިން އެ ވޭނުން ނުކުތް ތިން މީހަކުވަނީ ބޮރޯ މާކެޓް ކައިރީ މީހުންގެ ގަޔަށް ތޫނު އެއްޗެހިން ހަމަލާދީފައެވެ.

ފުލުހުން ބުނީ ތިން ފިރެހެނުންވެސް ތިބީ ފޭކް ބޮމްވެސްޓް ލައިގެން ކަމަށެވެ.

ޒަޚަމްވި މީހުންގެ ތެރޭގައި ފުލުހަކު ހިމެނޭއިރު އޭނާގެ ގަޔަށް ހަމަލާދީފައިވަނީ މީހުނަށް އެހީވުމަށްދިޔަ ވަގުތުއެވެ.

އޭނާއަށް ލިބިފައިވަނީ ފުރާނައަށް ނުރައްކާވާވަރުގެ ޒަޚަމްތަކެއް ނޫނެވެ.

ކޮންޒަވެޓިވް ޕާޓީންވަނީ އާއްމު އިންތިޚާބުގެ ކެމްޕެއިން މަޑުޖައްސާލާފައެވެ. އަދި ބޮޑުވަޒީރު ތެރީސާ މޭ ރިޔާސަތު ބަލަހައްޓަވާގޮތަށް ކޯބްރާ އިމަރޖެންސީ ބައްދަލުވުމެއް ބޭއްވުމަށް ވަނީ ނިންމަވާފައެވެ.

މިހަމަލާއަކީ ހިތްދަތި ހަމަލާއެއްކަމަށް ބޮޑުުވަޒީރު ތެރީސާ މޭ ސިފަ ކުރައްވާފައިވާއިރު ލޭބަރ ޕާޓީގެ ލީޑަރ ޖެރެމީ ކޯބީން ވަނީ އެ ހަމަލާއަކީ އަނިޔާވެރި އަދި ސިއްސައިގެންދާވަރުގެ ހަމަލާއެއްކަމަށެވެ.