ލަންޑަންގެ މިސްކިތަކުން ފޭބި ބައެއްގެ ގައިގައި ވޭނަކުން ޖައްސައި އެކަކު މަރާލައިފި
19 ޖޫން 2017 | ހޯމަ 07:12ވޭން ދުއްވި އުމުރުން 48 އަހަރުގެ މީހާވަނީ ހައްޔަރުކޮށްފަ
މި ހާދިސާ އިނގިރޭސި ވިލާތުގެ ކައުންޓަރ ޓެރެރިޒަމް ކޮމާންޑުން ގެންދަނީ ތަހުގީގުކުރަމުން
ނޯތް ލަންޑަނުގެ ދެ މިސްކިތެއްގެ ކައިރީގައި އޮންނަ ހިނގާފައި އުޅޭ ސަރަހައްދަށް ދުއްވާފާއިދިއަ ވޭނެއް ވައްދާލައި ހިނގި ހާދިސާގައި އެކަކު މަރުވެ އިތުރު 10 މީހުން ޒަޚަމް ވެއްޖެ ކަމަށް އިނގިރޭސިވިލާތުގެ ފުލުހުން ބުނެފިއެވެ.
ވޭން ދުއްވި އުމުރުން 48 އަހަރުގެ މީހާ، އެތަނުގައި ތިބި މީހުން ހިފަހައްޓާފައެވެ. އޭގެ ފަހުން ފިންސްބަރީ ޕާކްގެ ފުލުހުން ވަނީ އޭނާ ހައްޔަރުކޮށްފައެވެ.
އާދީއްތަ ދުވަހުގެ ރޭ މެންދަމު ހިނގި މި ހާދިސާ އިނގިރޭސި ވިލާތުގެ ކައުންޓަރ ޓެރެރިޒަމް ކޮމާންޑުން ގެންދަނީ ތަހުގީގުކުރަމުންނެވެ.
މަންޒަރު ދުށް މީހުން ބުނީ ސެވެން ސިސްޓަރސް މަގުން މި ވޭން ދުއްވާފައި ދިޔައީ ނަމާދުން ފައިބައިގެން ނުކުތް މީހުންނާ ދިމާލަށް ކަމަށެވެ.
ޒަޚަމްވި މީހުންގެ ތެރެއިން އަށް މީހަކު ހޮސްޕިޓަލަށް ގެންގޮސްފައިވާއިރު އަނެއް ދެ މީހުންނަށް ފަރުވާ ދީފައިވަނީ ހާދިސާ ހިނގި ސަރަހައްދުގައި ކަމަށެވެ.
ވޭން ދުއްވަން އިން މީހާ ވެސް ހޮސްޕިޓަލަށް ގެންދެވުނު ކަމަށް ފުލުހުން ބުނެއެވެ.
