އައްޑޫ ސިޓީ ކައުންސިލްގެ މޭޔަރަކަށް ތިން ވަނަ ފަހަރަށް ސޯބެ އިންތިޚާބުކޮށްފި
ސޯބެ އިންތިޚާބުވީ 4 ވޯޓުން
އައްޑޫ ސިޓީ މޭޔަރ ސޯބެ
އައްޑޫ ސިޓީ ކައުންސިލްގެ މޭޔަރަކަށް ތިންވަނަ ފަހަރަށް ހިތަދޫ އުތުރު ދާއިރާގެ ކައުންސިލް މެމްބަރ އަބްދުﷲ ސޯދިގް (ސޯބެ) އިންތިޚާބުކޮށްފިއެވެ.
ހުވާކުރަން ބޭއްވި ދަރުބާރަށް ފަހު، ހޮނިހިރު ދުވަހުގެ ރޭ ބޭއްވި އަލަށް އިންތިހާބުކުރި އައްޑޫ ކައުންސިލްގެ ފުރަތަމަ ބައްދަލުވުމުގައި މޭޔަރު ކަމަށް ސޯބް އިންތިހާބުވީ، ރާއްޖެއެމްވީއަށް އެނގިފައިވާ ގޮތުގައި، ހަތަރު ވޯޓުންނެވެ. އަދި ޑިޕިއުޓީ މޭޔަރަކަށް މުހައްމަދު ޔަސްރިފް އިންތިހާބުވީ ވެސް ހަތަރު ވޯޓުންނެވެ.
ސޯބެގެ އިތުރުން އައްޑޫ ސިޓީ ކައުންސިލަށް މިފަހަރު ހޮވިފައި ވަނީ ހިތަދޫ ދެކުނު ދާއިރާގެ ކައުންސިލަރު މުހައްމަދު ޔަސްރިފް އާއި ފޭދޫ ދާއިރާގެ ކައުންސިލަރ އަލީ ފަހުމީ ހުޅުދޫ ކައުންސިލަރު އިބްރާހީމް ޝުކުރީ އާއި މީދޫ ކައުންސިލަރު ހުސައިން ހިޔާޒާއި މަރަދޫ ކައުންސިލަރު ފައިސަލް އިބްރާހީމް އަދި ހިތަދޫ މެދު ދާއިރާ ކައުންސިލަރު ޖަމްޝީދާ މުހައްމަދެވެ.
