ކެލާ ސިމެންތި ޖެޓީ ބޭނުންނުކުރުމަށް އެރަށު ކައުންސިލުން އިލްތިމާސްކޮށްފި
17 ފެބުރުއަރީ 2022 | ބުރާސްފަތި 12:01ވެހިކަލް ދުއްވާ ފަރާތްތަކުން ޖެޓީ މައްޗަށް އެރުމާއި، މޫދަށް އެރޭ ފަރާތަކުން ޖެޓީ ދަށަށް ވަނުން ވަނީ މަނާކޮށްފައި
ހއ.ކެލާ
ހއ. ކެލާގައި, ބަނދަރު ހެދުމުގެ ކުރިން ހަދާފައިވާ ސިމެންތި ޖެޓީ ބޭނުންނުކުރުމަށް އެރަށު ކައުންސިލުން އިލްތިމާސްކޮށްފިއެވެ.
ކެލާ ކައުންސިލުން ހާމަކޮށްފައިވާ ގޮތުގައި ސިމެންތި ޖެޓީ ބޭނުން ނުކުރުމަށް އިލްތިމާސްކޮށްފައިވަނީ ޖެޓީއަށް ގިނަ ދުވަސް ވުމުގެ ސަބަބުން ވީރާނާވެ، ހަލާކުވަމުން ދާކަން އެ ކައުންސިލަށް ފާހަގަކުރެވިފައިވާތީ ކަމަށެވެ. އަދި ސިމެންތި ޖެޓީއަށް އެރުމަކީ އެއްވެސް ގޮތަކަށް ރައްކާތެރިކަމަކަށްް ނުވާތީކަމަށެވެ. އެހެންކަމުން މިކަމަކީ އޭގެ ސަބަބުން ބޮޑު ގެއްލުމެއް ލިބިދާނެ ކަމަށް ވާތީ, ޖެޓީ ބޭނުންކުރާ ހުރިހާ ފަރާތްތަކުން އެކަމަށް ސަމާލުވުމަށް ކެލާ ކައުންސިލުން އިލްތިމާސްކުރެއެވެ.
މީގެ އިތުރުން ކެލާ ކައުންސިލުންވަނީ ވެހިކަލް ދުއްވާފަރާތްތަކުން ސިމެންތި ޖެޓީ މައްޗަށް އެރުމާއި، މޫދަށް އެރޭ ފަރާތަކުން ޖެޓީ ދަށަށް ވަނުން މަނާކޮށްފައެވެ.
