ކޮވިޑް-19ށް ފަރުވާ ހޯދަމުންދިޔަ 81 އަހަރުގެ އަންހެނެއް ނިޔާވެއްޖެ
13 ފެބުރުއަރީ 2022 | އާދީއްތަ 17:10މިއީ ރާއްޖެއިން މި ބަލީގައި ނިޔާވި 289 ވަނަ މީހާ
ކޮވިޑުގައި ނިޔާވާ މީހުން ވަޅުމަށް ޚާއްސަކުރެވިފައިވާ ހުޅުމާލެ ސަހަރާ
ކޮވިޑް-19ށް ފަރުވާ ހޯދަމުންދިޔަ އިތުރު މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ ކޮވިޑް-19ށް ފަރުވާ ހޯދަމުންދިޔަ 81 އަހަރުގެ އަންހެނެއް ނިޔާވެފައިވާ ކަމަށާއި، އެ އަންހެން މީހާ ނިޔާވީ އާދިއްތަ ދުވަހުގެ ހަވީރު 4:20ގައި ކަމަށެވެ.
ނިޔާވިއިރު އެ އަންހެން މީހާ ފަރުވާ ހޯދަމުން ގެންދިޔައީ އޭޑީކޭ ހޮސްޕިޓަލުންނެވެ.
މިއީ ރާއްޖެއިން މި ބަލީގައި ނިޔާވި 289 ވަނަ މީހާއެވެ.
އާދިއްތަ ދުވަހު މީހަކު ނިޔާވެފައިވާއިރު، ހުޅުމާލޭ މެޑިކަލް ފެސިލިޓީގައި އެޑްމިޓުކޮށްގެން ފަރުވާ ދެމުންދިޔަ މީހަކު ހޮނިހިރު ދުވަހުގެ މެންދުރު 02:14ގައި ނިޔާވެފައިވެއެވެ. އެއީ 72 އަހަރުގެ ދިވެހި ފިރިހެނެއް ކަމަށް އެޗްޕީއޭއިން ބުނެފައިވެއެވެ. މިއީ ކޮވިޑް-19 ބަލީގައި ރާއްޖެއިން ނިޔާވި 288 ވަނަ މީހާއެވެ.
ރާއްޖޭގައި މިހާތަނަށް 158،031 މީހުން ކޮވިޑް-19ށް ޕޮޒިޓިވްވެފައިވެއެވެ. އަދި 141،569 މީހުން ބަލިން ރަނގަޅުވެފައިވެއެވެ. 16،161 އެކްޓިވް ކޭސް ހިމެނޭއިރު، 41 މީހުންނަށް ހޮސްޕިޓަލްގައި އެޑްމިޓް ކޮށްގެންދަނީ ފަރުވާ ދެމުންނެވެ.
