ރާއްޖެއިން ކޮވިޑު ބަލީގައި އިތުރު މީހަކު ނިޔާވެއްޖެއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ނިޔާވެފައިވަނީ އުމުރުން 77 އަހަރުގެ ދިވެހި އަންހެނެއް ކަމަށެވެ. އޭނާ ނިޔާވެފައިވަނީ ހޯމަ ދުވަހުގެރޭ 03:32 ހާއިރުއެވެ.

އެޗްޕީއޭއިން މައުލޫމާތު ދޭ ގޮތުގައި އޭނާ ނިޔާވެފައިވަނީ ހުޅުމާލޭ މެޑިކަލް ފެސިލިޓީގައި ފަރުވާ ހޯދަމުން ދަނިކޮށެވެ.

މިމަރާއެކު ރާއްޖެއިން މިހާތަނަށް މި ބަލީގައި ނިޔާވި މީހުންގެ އަދަދު މިވަނީ 285ށް އަރާފައެވެ.

ރާއްޖެއިން ކޮވިޑް ބަލީގައި ހޮސްޕިޓަލުގައި ފަރުވާދެމުން އަންނަ މީހުންގެ އަދަދު 60ށް އަރާފައިވާކަމަށްވެސް އެޗްޕީއޭއިން މައުލޫމާތު ދެއެވެ. މާލެ ސަރަހައްދުގައި ސާމްޕަލް ޕޮޒިޓިވިޓީ ރޭޓް ހުރީ 27 އިންސައްތައިގައެވެ. މިއީ އޭގެ ކުރީ ދުވަހާ އަޅައިބަލާއިރު 2 އިންސައްތަ އިތުރު އަދަދެކެވެ.