ކ. މާލެ
|
7 ފެބްރުއަރީ 2022 | ހޯމަ 06:08
އިސްރާއީލްގެ ބޮޑުވަޒީރު ނަފްތާލީ ބެނެޓް
އިސްރާއީލްގެ ބޮޑުވަޒީރު ނަފްތާލީ ބެނެޓް
ރޮއިޓަރސް
އެމެރިކާ އާއި އިސްރާއީލްގެ ގުޅުން
އިރާނާއި، ޔޫކްރެއިން އަދި ރަޝިޔާގެ މައްސަލައާއި ގުޅޭގޮތުން އިސްރާއީލްގެ ބޮޑުވަޒީރާއި އެމެރިކާގެ ރައީސް މަޝްވަރާކުރައްވައިފި
 
ބައިޑަން އިސްރާއީލަށް ވަޑައިގަތުމަށް ދައުވަތު ދެއްވި
 
ބައިޑެން އިސްރާއީލަށް ދެމުންގެންދާ އެހީތެރިކަމަށް ޝުކުރު އަދާކުރެއްވި
 
އިރާނުގެ ނިޔުކުލިއަރ ހަތިޔާރު ޕްރޮގްރާމް ހުއްޓުމަކަށް ގެންނާނެ ގޮތްތަކާއި ގުޅޭގޮތުން މަޝްވަރާކުރެއްވި

އިސްރާއީލްގެ ބޮޑުވަޒީރު ނަފްތާލީ ބެނެޓް އެމެރިކާގެ ރައީސް ޖޯ ބައިޑަން އާއި އިރާނުގެ ނިޔުކުލިއަރ ހަތިޔާރު ޕްރޮގްރާމް ހުއްޓުމަކަށް ގެންނާނެ ގޮތްތަކާއި ގުޅޭގޮތުން މަޝްވަރާކުރެއްވި ކަމަށް ވިދާޅުވެއްޖެއެވެ.

އިސްރާއީލުން އަންނަނީ ހުޅަނގާއި އެމެރިކާއަށް އިރާނުގެ ނިޔުކްލިއަރ މަޝްރޫޢު ހުއްޓުވުމަށް ބާރުއަޅާ އެކަމަށް ޕްރެޝަރ ކުރަމުންނެވެ. އިރާނުގެ ނިޔުކްލިއަރ ޕްރޮގްރާމް އާއި ގުޅޭގޮތުން ހުޅަނގުގެ ޤައުމުތަކާއި އިރާނާ ދެމެދު އަންނަނީ ވާހަކަތައްވެސް ދެކެވެމުންނެވެ.

ބެނެޓް ބައިޑަން އާއި މަޝްވަރާކުރެއްވި ކަންތައްތަކާއި ގުޅޭގޮތުން ނެރުއްވި ބަޔާނުގައި ވަނީ ޔޫކްރެއިން އާއި ރަޝިޔާގެ މަޝްރަހާއި ގުޅޭގޮތުންވެސް މަޝްވަރާކުރެއްވިކަމަށެވެ. އަދި ދާދިފަހުން އެމެރިކާއިން ސީރިއާގައި ކުރިއަށްގެންދިޔަ ކައުންޓަރ ޓެރަރިޒަމް އޮޕަރޭޝަނެއްގައި އިސްލާމިކް ސްޓޭޓް (އައިސިސް)ގެ ލީޑަރު އަލް ގުރައިޝީ މަރާލާފައިވާތީ އެކަމަށް ބައިޑަން އަށް މަރުޚަބާ ވިދާޅުވިކަމަށްވެސް ބަޔާނުގައި ބުނެފައިވެއެވެ.

މީގެއިތުރުން ބައިޑެން އިސްރާއީލަށް ދެމުންގެންދާ އެހީތެރިކަމަށް ޝުކުރު އަދާކުރައްވާ އިސްރާއީލަށް ވަޑައިގަތުމަށް ބައިޑަން އަށް ދައުވަތު ދެއްވިކަމަށްވެސް ބަޔާނުގައި ބުނެފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
100%
0%
0%
0%
0%
ކޮމެންޓް