އާލާސްކަންފުޅާ އުޅުއްވުމަށްފަހު، ދޮންބިލެތް އަހުމަދުގެ ބައްޕާފުޅު އަވަހާރަވެއްޖެ
5 ފެބުރުއަރީ 2022 | ހޮނިހިރު 14:27އަވަހާރަވިއިރު އުމުރުފުޅަކީ 82 އަހަރު
އަމްނާ އިމާދު | 5 ފެބުރުއަރީ 2022 | ހޮނިހިރު 14:27
ދޮންބިލެތް އަހުމަދުގެ ބައްޕާފުޅު އަބްދުލްގުއްދޫސް އިބްރާހިމް
ރައްޔިތުންގެ މަޖިލީހުގެ ބިލެތްދޫ ދާއިރާ މެންބަރު އަހުމަދު ހަލީމް (ދޮންބިލެތް)ގެ ބައްޕާފުޅު އަބްދުލްގުއްދޫސް އިބްރާހީމް އަވަހާރަވެއްޖެއެވެ.
އޭނާ އަވަހާރަވެފައިވަނީ ހޮނިހިރު ދުވަހުގެ ވަގުތެއްގައި އޭޑީކޭ ހޮސްޕިޓަލްގައި ފަރުވާ ހޯއްދަވަމުން ގެންދަވަނިކޮށެވެ.
މައުލޫމާތު ލިބިފައިވާ ގޮތުގައި އަވަހާރަވީ ގިނަ ދުވަސްތަކެއްވަންދެން އާލާސްކަންފުޅާ އުޅުއްވުމަށްފަހުއެވެ.
އަވަހާރަވިއިރު އުމުރުފުޅަކީ 82 އަހަރެވެ.
އަބްދުލްގުއްދޫސްގެ މައްޗަށް ކުރެވޭ ކަށުނަމާދު އޮތީ ހޮނިހިރު ދުވަހުގެ ރޭ 10:30ގައި އިސްލާމީ މަރުކަޒުގައެވެ. އަދި ޖަނާޒާ ކުރިއަށް ގެންދިއުމަށް ހަމަޖެހިފައިވަނީ އާސަހަރާގައެވެ.
