ހައިވޭ މަތީގައި ހިނގި އެކްސިޑެންޓެއްގައި އަނިޔާވި ދެ މީހަކަށް ފަރުވާ ދެނީ
އެކްސިޑެންޓް ހިނގީ ހޮނިހިރު ދުވަހުގެ ރޭ 21:40 ހާއިރު ހައިވޭ ފެންސުގައި ޖެހި
އާއިޝަތު ޝިއުރާ | 29 ޖެނުއަރީ 2022 | ހޮނިހިރު 20:45
ސިނަމާލެ ބްރިޖު
މާލެއިން ހުޅުމާލެއަށް ބާރު ސްޕީޑްގައި ދުއްވާފައިދިޔަ ކާރެއް އެކްސިޑެންޓުވެ ދެ މީހަކަށް ފަރުވާދޭން ފަށައިފިއެވެ
ފުލުހުން ބުނީ ހޮނިހިރު ދުވަހުގެ ރޭ 21:40 ހާއިރު ހައިވޭ ފެންސުގައި ޖެހި ހިނގި އެކްސިޑެންޓުގައި އަނިޔާވި ދެ މީހަކަށް ހުޅުމާލެ ހޮސްޕިޓަލުގައި ފަރުވާދެމުންދާކަމަށެވެ.
ފަރުވާދެމުންދަނީ އަންހެނެކާއި ފިރިހެނަކަށް ކަމަށް ފުލުހުން ބުނެއެވެ.
ފުލުހުން ބުނީ މި އެކްސިޑެންޓާއި ގުޅިގެން ބަލަން ޖެހޭ ކަންކަން ބަލަމުންދާކަމަށެވެ.
މި މަހުގެ 19 ވަނަ ދުވަހުގެ ރޭ ވަނީ ބްރިޖު މަތީގައި ހިނގި އެކްސިޑެންޓެއްގައި 21 އަހަރުގެ ޒުވާނަކު ނިޔާވެފައެވެ.
