ގދ.ކާޑެއްދޫ ފާލަމުން ބޮޑުބައެއް ވެއްޓުމާއި ގުޅިގެން އެތަން މަރާމާތު ކުރުމުގެ މަސައްކަތް ސަރުކާރުން ފަށައިފިއެވެ. ކާޑެއްދޫ ފާލަމުން ބައެއް ވެއްޓިފައިވަނީ ހުކުރު ދުވަހު ހެނދުނުގެ ވަގުތެއްގައެވެ.
ކާޑެއްދޫ ފާލަން ވެއްޓުމާއި ގުޅިގެން ޕްލޭނިންގ މިނިސްޓްރީ އާއި ރީޖަނަލް އެއަރޕޯޓްސް އާއި އެމްޓީސީސީ ގުޅިގެން، ވެއްޓުނު ބައި މަރާމާތުކޮށް ނުވެއްޓި ހުރި ބައި ޙިމާޔަތްކުރުމުގެ މަސައްކަތް އަންނަނީ ކުރަމުންނެވެ.
Advertisement
ކާޑެއްދޫ އެއަރޕޯޓަކީ މީގެ 28 އަހަރުކުރިން ސަރުކާރުން ތަރައްޤީ ކުރި އެއަރޕޯޓެކެވެ. އެއަރޕޯޓާއެކު ތަރައްޤީކުރި ބަނދަރު އޭގެ ފަހުން އަލުން ތަރައްޤީކޮށް މަރާމާތުކޮށްފައިވާކަން އެނގޭކަށް ނެތެވެ.
ކާޑެއްދުއަކީ އަތޮޅުގެ ގިނަ ބަޔަކު ދަތުރު ކުރާ ރަށެއްގެ އިތުރުން ގިނަ އަދަދެއްގެ ފަތުރުވެރިން ވެސް އަތޮޅުގެ ރަށްރަށަށް ދަތުރުކުރަނީ ކާޑެއްދޫ މަގުންނެވެ.
